"Ngko pijeti aku."
"Ho oh."
Tomin wes mari mangan. Arek cilik iku siap-siap kate turu. Matane wes garek rong watt.
"Susune dientekno, gek bobok," omonge Wiji.
Tomin sing kesel mari mubeng-mubeng karo bapake nyandak gelas susune, digawa nyedek nang emake sing glesotan nang ngarep tipi. Wes ngantuk, arek sing wes lancar mlakune iku kesandung kasur ngarep tipi. Gelas susu kutah, ngenei kasur.
"Ancuk!"
Wiji kaget anake tiba, luwih kaget maneh krungu anake misuh. Tomin mecucu. Ora mung ngenei kasur, susu sing kutah ngenei klambine. Wiji nyandak anake, diresiki trus disalini klambine. Ora suwi Tomin wes merem.
"Mbok jak dolen nang ndi anakmu, Pak?"
"Warung Lik Man."
"Nirukno sopo iku mau?"
Diman ora nyauri. Jenenge nang warung, omongane yo ngunu iku.
Beri Komentar
Belum ada komentar. Jadilah yang pertama untuk memberikan komentar!