Riwayat Hidup/Jujur Ngolu

Jujur ni ngolu ni dainang naung marujung ngoluon

Remetia Purba (Op. Ningsi Boru)

Tubu ma dainang on tanggal 28 Maret 1960 di huta Purba/Haporas. Dibaen ma goar ni dainang nami on Remetia Purba, sian tubu ni Saut Purba dohot Mani Boru Simbolon.

Pendidikan Ni dainang nami on:

Tamat ma inang on sian sikkola SD (Sekolah Swasta Avent) tahun 1974 di Gonting Mahe, melanjut ma muse tu sikkola SMP (Sekolah Swasta Nai Pos-Pos) di Gonting Mahe, ditammathon inang on ma taon 1977. Melanjut ma muse tu sikkola SPG jurusan Sekolah Dasar (SPG HKBP) di Sibolga, di tammathon inang on mai di taon 1981.

Tanggal 08 Maret 1983 marhasohotan ma inangon tu damang nami Usren Gorat sian huta Sipea-Pea. Tarpasu-pasu do inangon dohot damang nami Usren Gorat di Gereja Katolik Sipea-Pea, di jolo ni amang Pastor Leonhard Beikircher. Dibasa-basa hon Tuhanta do anak dohot boru:

• Darwin Herianto Gorat (Bp. Ningsi Gorat) mangalap boru ni raja i Rismaria Purba sian Pargarutan, dakdanak di nasida 1 baoa dohot 2 boru.
• Wilson Suhenro Gorat (Bp. Roberto Gorat) mangalap boru ni raja i Vinansia Sitorus sian Dolok Sanggul, dakdanak di nasida 1 baoa.
• Susi Agustina Gorat (Uma. Kenzo Simbolon) na nialap ni anak ni raja i Roni Erikson Simbolon sian Rianiate, dakdanak di nasida 1 baoa.
• Renghad Supriadi Gorat, dang marhasohotan, alai calon malim
• Eko Agus Budiman Santoso, dang marhasohotan do pe.
• Riko Fransiskus Gorat, dang marhasohotan do pe.
• Yoel Adi Putra Gorat, dang marhasohotan do pe.

Jadi pungu ma pinompar ni inang on: anak 6, boru 1, Parumaen 2, Hela 1, Pahomppu sian anak 4, pahomppu sian boru 1. Jadi pungu ma sude pinompar ni inang on 15 halak.

Taon 1997 inang nami on masuk ma gabe sada Guru di SD Negeri 156484 Rianiate, Kecamatan Sorkam, Kabupaten Tapanuli Tengah. Taon 2011 diangkat Kepala Badan Kepegawaian Daerah Kabupaten Tapanuli Tengah do inang nami on gabe Kepala Sekolah di SDN Negeri 156484 Rianiate. Taon 2017 pindah ma inang on guru di SD Negeri 154508 Pargarutan II. Jala pension ma inang on sian Guru PNS taon 2020.

Amang Raja dohot Soripada di bulan Januari 2021 kesehatan ni inang on manurun do jala huboan hami ina nami on tu piga Rumah Sakit na adong di Sibolga sahat tu Medan laho mandalathon perawatan kesehatan na. Dang sakkap ni jolma na saut hape, alai ingkon sakkap ni Tuhanta do tu ganup hita jolma, dialap Tuhanta ma inang on marujung ngolu di tanggal 03 Februari 2022, pukul 16: 45 WIB.

Tung mansai godang do poda dohot hata nauli na denggan na dipasahat inang nauli lagu on tu hami pinomparna. Benget situtu do inang on di tingki parsahitonna. Marbinege ma Amanta DEBATA Namartua anggiat ditangihon tamiang dohot pangidoan ni ina nami on, asa tung anggiat sahat pasu-pasu tu hami pinomparna maninggalhon tua dohot sangkap.

Songoni do riwayat hidup manang jujur ni ngolu ni inang na huhaholongi hami on, anggiat ma di paninggalhon ni inang di hami pinompar na mandapot pasu-pasu na sian Tuhanta Perdenggan Basa i, marhite-hite hata poda nauli na denggan naung pinasahat ni inang nami on. Sai anggiat ma inang nami on dijalo Tuhan Pardenggan Basa i di lombung na ima Surgo Hasonangan Saleng ni leleng na.

Molo pe di tingki parngoluan ni inang nami on adong pambahenan na hurang tu angka amang dohot inang soripada, hami sian pomparanna mangido maaf ma tu hamu amang dohot inang soripada. Sai Tuhanta Debata Na Martua i ma mangaramoti hita saluhutna.

Selamat jalan ma di inang nami, anggiat ma di jalo Tuhanta di lombung na tu Surgo Hasonangan i saleleng ni leleng na.

MAULIATE