Brayski and sobi,
Pa Kabar elu elu pada?  Bentar lagi udah mau puasa lagi yak? Ude kebayang pegimana nikmatnya bebuka pake kolak biji  nangka......... Mantrabs.
Congrats buat Mas Jokowi and Ko' Ahok ( sengaja manggilnya so' akrab gitu, bray..wkwkwkwkwk). Gue demen ame gaya begajulan bin santun kalian yang menginspirasi.
Begajulan disini bukan nyang negatip ya? Tapi begajulan yang positip. Anti trik kemapanan biasanye nyang dijanjiin ame yang laen. Â Baju kotak kotak ente? Mantap jaya. Keluar masuk kampung ngobrol ame warga? Itu yang ditunggu. Warga Jakarte bukan orang yang doyan komplen kok, Mas, Ko'... mereka cuma butuh ade nyang ngedengerin.
Ade yang ngedengerin dan berusaha, nyelesein apa masalah mereka selama ini. Dan langsung ye? Kaga' pake calo calo-an. Â Sekarang ini, ape kata Bang Kumis deh. "Calo" nyang katanye kenal ame ntu Bang Kumis banyak banget. Tapi ngeliat sosoknya Bang Kumis ndiri juga jarang. Â Calo proyekan mah banyak.
Die udah males malesan di dalam gedung dingin ber a-c, kaga' mau turun lagi ke jalan. Â Sekalinya turun , eh malah ngacungin jari tengah kaga' nyaho apa maksudnye? Galau, Bang.
Brayski en sobi, gue dukung Jokowi -Ahok. Â Â Biarin aja Bang Kumis ame calo proyekannya pade kalang kabut. Â Kemane aje lo pade kemaren kemaren, pas kampung gue kebanjiran gara gara elu pade masiih aja ngijinin orang pade bikin mall baru ? Yang jelas nutupin jalan resapan aer dimana mana.
Mas Jokowi, Ko' Ahok, Â kemaren jari gue udah berwarna buat kalian bedua. Besok bakal begini lagi.
Tapi inget ye, kaga' ada maen maenan proyekan yang ga' jelas juntrungannye. Â Harapan gue ga' muluk muluk : Berusaha aje. Itu ude nunjukin itikad baek dan niat yang bener. Dan jangan ente jadi disetir ame partai yang ade. Tar kader partai nya yang norak bin songong pada latah lagi. Bikin posko posko gambar banteng dimane mane. Kaga' jelas juntrungannye. Gak maen, nyang gitu gitu !
Berhasil atau gagalnye, semua warga Jakarta kudu berkontribusi. Kaga' cuma bisa komentar aja.
Ini kota kite, ini rumah kite. Ini Jakarta kite.
