Cerpen | Pemilihan Camat

Pada suatu hari diumumkan bahwa akan ada pemilihan camat. Dipengumuman tatulis mun handak mancalon bapadah ha kabalai desa.

Tukang Sayur              : Bah bagus nah mun aku mancalon. Aku nih harat bapandir, badandan, wan segar ha pulang. Hanyar aku bajalan bajual sayur sudah ham kuciakan baung-baung dipasar  tu. Nyataai dah aku tapilih.

Penjaga wc    : Baik aku ha yang mancalon camat nih, nyata dah tapilih. Duduk diparak wc haja aku didatangi orang tarus apalagi aku bagawi dikantor pasti banyak dah yang inta tanda tangan. Nah Wc haja kujaga apalagi warga ku sayang nih.

Orang Tuha    : Mun aku nih mancalon cocok bangat umur tuha nih, mata kada hawas, talinga tutulian, pas bangat jadi Camat (calon mati).

            Imbah tu Mandaftarlah tiga calon camat tadi kabalai desa, sampai-sampai kadangaran dari satu talinga ka talinga yang lain.

Elizabeth         : uy umanya jar habar calon camat kita ni batiga, ikam milih yang mana?

Mbok Imeh     : Tahu nah lagi, aku tasarah ja yang mana hati nih cocok, mun ikam pang cil?

Acil Bungas    : Aku nih umpat buhanmu pang, mun jar buhanmu ngini aku umpat pang.

            Akhirnya, mulailah hari kampanye dari tiga calon tersebut. Hari kampanye nih dimulai selama tiga hari.

Hari Pertama:

            Para calon menyiapkan spandok, selebaran, tak lupa juga uang sogokan, kemudian tukang sayur pun menjual sayur disepanjang jalan, imbah tu pas tatamu ibu-ibu rempong.

Elizabeth         : Ikam mancalon leh tukang sayur?

Mbok Rondo   : Bujur leh yur?

Tukang sayur   : iya dong pastinya, masa kada aku nih harat pang bapandir jadi aku harus mancalon (sombong).

Acil Bungas    : Iih pang... tapi...?

Tukang sayur   : Tapi...tapi napa garang?

Elizabeth         : Tapi napa yu leh?

Acil bungas     : Tapi... tapi ikam tu tamatan sakolah napa garang?

Tukang sayur   : Bah jangan ditanya!

Elizabeth         : Tinggi pinanya nah.

Mbok Rondo   : Ku tangguh pasti ikam disakolahan pintar bangat?

Tukang sayur   : Nah bujur bangat ikam tuh!

Acil bungas     : Mun ikam pintar napa ikam jadi tukang sayur?

Tukang sayur   : Aku nih... pintar pang tapi pintar mambongoli haja hahaha...

Acil bungas     : Bah nginih!

Tukang sayur   : Buhanmu disini handak Mangepoi aku haja kah? Kada handak nukar sayur kah?

Elizabeth         : Kada am, kami handak batakun-takun banarai.

Mbok Rondo   : Hiih, ikam mancalon kalo mun kawa gratis pang sayur hen!

Tukang sayur   : Ayuha gratis, asal ikam bajanji milih aku hanyar maka aku gratisakan.

Acil Bungas    : Kami nih hakunai mamilih asa ada ha sogokannya lawan sayur gratis.

Tukang sayur   : Ayuhaa, nih sayur ni saikat saorang ni uang mukanya kaynah uang balakang cari ha dipalang padu saorang. Aku handak bakuliling kampong hulu nah bajualan sambil kampanye.

           Dihari ke berikutnya si penjaga wc pun juga berrkampanye ditempat inya manjagai wc.

Elizabeth         : Oy penjaga wc ikam mancalon camat jua kalo?

Penjaga wc      : Hiih kanapa garang?

Elizabeth         : Haratnya leh ikam kawa mancalon?

Penjaga wc      : Nyata dah aku nih lulusan SMW.

Elizabeth         : Napa ngintu SMW?

Penjaga wc      : Sarjana mengurus WC!

Mbok Rondo   : Ada kah sakolah kaya itu?

Penjaga wc      : Sakolah kaya itu ada tatarusan. dasuah ha pulang aku nih alpa disakolah situ.

Elizabeth         : Ey Mbok Rondo ikam datang dari mana ?

Mbok Rondo   :  Dari sana pang. Aku tadi malihat buhanmu bapandiran, jadi kukasiniai.

Penjaga wc      : Ey buhanmu kaynah pilih aku lah!

Elizabeth         : mun kami pilih ikam adalah...

Penjaga wc      : Adalah nang apa?

Mbok Rondo   : Umayy ikam nih kisah kada tahu ha... maksudnya si eliza tu adalah duitnya tu.

Penjaga Wc     : Nyata haja ai ada, barapa buhanmu handak?

Mbok Rondo   : Kahandak tu dibabanyakiai hehe...

Penjaga wc      : Barapa handak... sambat (sombong)

Mbok Rondo   : Kahandak tu Sajuta pang saikung nah!

Penjaga Wc     : Mai sa itu haja kah...sadikitnya pang minta.

Mbok Rondo   : Ikam nih sadikit ada garrang duitnya hulu saitu?

Penjaga wc      : Behhh... nyataai kadada hahaha...

Mbok Rondo   : Ngini pina musti ha sakalinya orangnya dada isi duit, baik aku milih tukang sayur ha nyata dibariinya sayur pakai uang muka wan balakang ha pulang. 

Penjaga Wc     : Tumben buhanmu baduannya mana saikungnya?

Elizabeth         : Iih mana si Acil? Ey Mbok biasanya ikam wan si Acil tarus, mana inya?

Mbok Rondo   : Tadi tuh aku handak karumah si acil, tapi pas malihat buhanmu aku kasiniai lagi.

Elizabeth         : ooh kita karumah si acil nah lakuai inya ada dirumah?

Mbok Rondo   : Ih sarah ja, tapi hadangi hulu aku lah, aku handak bakamih nah tampulu parak wc.

Elizabeth         :ih.

Penjaga Wc     : Tunggu dulu! Mun ikam handak bakamih di Wc sini ikam harus pilih aku.

Mbok Rondo   : Aduhai daboleh tahu lah mengambil kesempatan dari kesempitan orang lain.

Penjaga Wc     : May bagusnya kata-kata nya, ada la lagi!

Mbok Rondo   : hehe aku handak takakamih dah nah. Please! tolong!

Penjaga Wc     : berpantun:Si Mbok Rondo ingin baju baru, kalau mau masuk Passwordnya dulu! Janji hulu lah.

Mbok Rondo   : Ih aku bajanji milih ikam (langsung berlari masuk ke wc)

           Imbah itu buhannya badua manuju pasar. Sagan mancarii si acil.

Elizabeth         : Mana  yu leh si acil (mancarii)

Mbok rondo    ; Hiih mana leh... aku kangen banar nah sudah wan si acil hahaha

Elizabeth         : Heleh lebaynya ikam pang ikam lah!

           Mereka berdua pun berjalan-jalan dipasar dan tak sengaja tatamu orang tuha.

Elizabeth         : aii kai maapa dipasar?

Orang Tuha     : Kai jer... kaimu kah aku nih?

Elizabeth         : Aii... bujurai ulun nih lain cucu pian tapi pian tuh tuha pang sudah jadi wajar dikiau kai, ya kalo mbok?

Mbok Rondo   : Betul, betul, betul.

Orang Tuha     : Tuha jer... aku nih masih anum tahu lah. Lihati nah muhaku nih awet muda kalo?

Elizabeth dan mbok rondo      : Hah... awet muda hahaha

           Mereka berdua pun berbisik.

Elizabeth         : Anum, awet muda jar...umur nang tuha bangat tuh awet muda, anum jar hahaha

Mbok Rondo   : Hiih...pede bangat lih manyambat diri saorang anum hahaha

Orang Tuha     : Nah badua nih babisik-bisik... mambisiki napa garang?

Elizabeth         : kada papa kai ai

Mbok Rondo   : Kai pian maapa kapasar?

Orang Tuha     : Aku kapasar nih handak manyampaikan visi misiku wara ai.

Elizabeth dan Mbok Rondo    : Hah...(bingung)

Mbok Rondo   : Visi misi maksudnya?

Elizabeth         : Maksudnya pian handak mancalon jua kah?

Orang Tuha     : Iya dong...

Mbok Rondo   : Maai pian tuha sudah kai ai masih haja handak mancalon jadi camat.

Elizabeth         : Hiih kai nih...ingat umur kai ai hahaha

Orang Tuha     : Iih ingatai aku di umur, umurku hanyar 50 tahu.

Mbok Rondo   : Astagfirulllah kai kai (geleng-geleng kepala)

Orang Tuha     : Kanapa ikam baistigfar ada hantu kah?

Mbok Rondo   : Kada kai ai, kada papa ai ha?

Orang Tuha     : Oh...ih ih yuha nah aku handak bulik dulu lah, lapah dah aku kuliling pasar. Encok pinggangku.

Elizabeth         : inggih-inggih kai ai...

Orang Tuha     : Ey-ey hadangi hulu nah ada yang handak kupadahakan.

Elizabeth         : napa kai?

Orang Tuha     : Nah napa tadi yang handak kupadahakan leh?

Elizabeth         : Lakasi kai bapikir, kami handak bulik lagi nah!

Orang Tuha     : Ih aku handak basaruan nah kawaai luku malam nih karumuahku kaynah ada acara syukuran.

Elizabeth         : Ada sesuatu lah kai?

Orang Tuha     : Ada sesuatu napa, kaya acara syukuran yang biasanya pang!

Mbok Rondo   : Maksudnya tu kai ai ada kah pulus sogokan sagan pemilihan camat kaynah?

Orang Tuha     : Astagfirullah da boleh su uzan kaya itu, aku nih tuha dah kada tapi baisi duit banyak lagi

Mbok Rondo   : Mun kaya itu kami kulir nah mahadiri acaranya nah. Yu Kita bulikan haja nah lagi Eliza!

Elizabeth         : yu!

           Pas dijalan handak bulik karumah tatamu lah buhannya lawan tukang sayur.

Elizabeth         : uy.

Tukang Sayur  : uy jua, maapa ikam kapasar.

Elizabeth         : Mancarii si acil pang nah.

Tukang sayur   : oh...(muha kaya gugup), aku bulik dulu lah...

Mbok Rondo   : mai bacacapat bulik kanapa garang?(asa curiga)

Tukang sayur   : Kada papa ai hehe...

Mbok Rondo   : yur ikam adalah malihat si acil?

Tukang Sayur  : Eeeh... ada ai (makin gugup)

Mbok Rondo   : Dimana inya?

Tukang sayur   :(mengambil amplok dikantongnya) Nih ada duit saratus ribu dari hasil jual tanahku yang panjang tu pang., pahamai luku buhanmu nang duit nih?

Mbok Rondo   : Iih paham banar!

Tukang sayur   : tapi buhanmu bila kada milih aku duit nginih kuambil pulang!

Elizabeth         : ya! Sip! Ikam imbah dah manjulungi acil jua?

Tukang sayur   : ya sudah dah.

           Setelah beberapa menit akhirnya bertemulah si Elizabeth dan Mbok Rondo dengan si Acil.

Mbok Rondo   : Ai ni orangnnya yang kita cari tadi. Kamana haja ikam?

Acil Bungas    : Aku tadi kuliling-kuliling kampong mancarii buhanmu pang.

Elizabeth         : Ikam adalah tatamu tukang sayur?

Acil Bungas    : Eeeh dada (gugup)

Elizabeth         : Daboleh badusta napa ikam pina gugup?

Acil Bungas    : I iiih barang(masih gugup).

Elizabeth         : Imbah tu pang ikam dapat lah anu nya tuh?

Acil Bungas    : Anunya napanya garang?

Elizabeth         : may ikam nih pupura kada tahu ha.

Acil Bungas    : Ih yang ngintu kah ada ai. Jangan lagi talu pina dibahas kita bulikan haja nah lagi!

Elizabeth dan Mbok Rondo    : Iih bujur banar jar ikam tuh.

           Hari pemilihan camat yang ditunggu-tunggu itu pun hampir tiba, dimalam harinya para

Calon camat melakukan hal-hal yang berbeda-beda.

Bersambung....