  Oleh: Osti Lamanepa
Goe peten lewo goen
Lewo wulu lamarebon
Goe peten tanah goen
Tanah rebon lamadike
      Goe lodo pana kai ata ekan
      Pana kai seba wulun menuren
      Pana kai seba wai menaa'an
      Pana kai seba tulis basa
      Pana kai seba buku lepa'an teratu
Lewotanah wulublolong
Hulon tede kame pia ata eka'an
Pepa meke kewero
Pepa apu angin
Jaga grian kame maa'an sare-sare
Lewotanah wulublolong
Liko lapak kame
Tanah waine belaon
Guru'un gawa kame ma'an dike-dike
Ina bine, kaka, arin, 0pu pain
Tuu'un getan lewotanah mayan bali
Bali geleka'a lewotanah
Lewotanah titen, lewo ina wae
Pehen hepe, data bola
                       Â
Malang, 22 Oktober 2020
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
