Naskah Drama: Sinyo Dracula (Bahasa Sunda)

Musik Pembuka :    Intro  It's a Beautiful day

Narator :   ( Ieu carita ngalakonkeun hiji Mojang geulis nu keur mejehna ABG, teu

   bogaeun indung-bapak  salian ti Akina. )

Musik :    Intro + Theme  Misfire    (  Nyi Lusi keur asyik ngadengekeun lagu dina

                        headphone bari dangdan nga-geugeulis maneh hareupeun eunteung, sementara

                        Aki na cicing-cicing merhatikeun ,teu lila noel ku iteukna  )

Aki   ( Dehem )        " Ehem !"

Nyi Lusi  ( Reuwas )    " Eh geuning eta si Aki,... ! mani reuwas ! aya naon Aki ?" ( bari

                                                                                                           neruskeun dangdana )

Aki   ( ka Pemirsa )  " Emh...! teu percumah boga incu teh ! dirorok tileuleutik...ayeuna geus

  jadi mojang geulis...pinter dangdan deuih !"  

Nyi Lusi  :   " Eh...kakekku tersayang,..dangukeunnya ! jaman sekarang,..penampilan itu No 1 !

                      buktina ayeuna,...loba nu hayangeun ka Nyai ! loba nu barogoheun ka Nyai !"

Aki   :   " Heu.. euh eta oge,! Syukur  ari Aki mah loba anu resepeun ka Nyai teh, ngan

              omat,... ! kudu sing bisa mernahkeun maneh ! bisi hidep dianggap awewe nu

              lain-lain !" ( keur kitu kadenge aya sora  anjing babaung jeung sora-sora

                                  pikeueungen nu matak muringkak bulu punduk )

Musik :  Intro  +  Theme   Made in heaven

                                                                                                                            

Nyi Lusi  :  " Aeh ! sora naon eta teh Aki ?"  ( bari nyampeurkeun neangan panyalindungan

                                                                          ka si Aki nu puguh titatadi oge ngahep-hep bari

              ngeleper, kasima tepi ka ngompol sagala  )

Dracula  :   " Huhahahahaha....! Nyai ! ieu akang ti nagri kaJinan ! ngahaja datang rek mawa

    senang,..Hayu cuang miang !" ( Ngarebut Nyi Lusi ti si Aki, terus di bawa

                                                      hiber )

Dracula ( Hawar-hawar  ti kajauhan )  " Aki,..! sing ridho,... ! incu Aki rek dikawin ku kuring !"

                                                         " Huahahahahaha,... ! Huahahahahaha,.... !"

Aki   ( Kasima teu walakaya  )  " Duh cilaka 12 !" Tulung...! Tulung...! Tulung...!" si Nyai aya

                    nu maok ! si Nyai aya nu nyulik !"

Musik :   Intro + Theme   Bento  (  Preman datang Nganjang ka imah Nyi Lusi / si Aki )

Preman  ( Bedegong )   " He...ki ! mana incu Aki teh ? Lus...Lusi ! Abang datang ! Lus...Lusi !

     ( culang-cileung bari nulak cangkeng terus teu lila nyampeurkeun ka

        si Aki )

   " Kurang ajar ! emh...! bau apa ini ?" ( bari mengpetan irung ) " heh,...Aki-aki

      bau pesing ! mana nu geulis teh ? tolong dipanggil ! Abang nich ingin ketemu !"

Aki   : " Duh gusti,...! bieu incu aya nu nyulik ...menta tulung teh kalah kadatangan nu gelo !"

Preman  :     " Ki...! nyaho teu ? saha ieu ? ieu yeuh yang namanya si Beni tea ! jeger pasar

                      kaget ! dipika inggis ku sarerea !"

Aki   :   " Oooh... ieu jeger pasar kaget nu sohor teh ! kabeneran atuh !"

Preman  :   " Betul ! ini yang namanya si Beni tea...calon minantu Aki ! mana Nyi Lusi ? mana ?

                          mana ?"

Aki   :  " kieu...Nden jeger...

Preman  :     " kumaha-kumaha ?"

Aki   :          " kieu Nden ! kabeneran pisan aden sumping teh ! Aki teh rek menta...

Preman  :    " rek menta naon ? menta bako ? martabak ? atawa duitna bae ? Ooh...pasti !

                          pasti Aki teh menta sangkan kuring buru-buru ngawin Nyi Lusi ! jangan khawatir

                          Ki ! don't worry ! ayeuna keneh ge rek dikawin !"

Aki   :           " Sumuhun...aden,...mung Nyi Lusi na teu aya !"

Preman  :     " Hah ! euweuh ?" kamana Ki,..kamana ? kamana Nyi Lusi ?                            

Aki   :             " Nyaeta tiwas,..aden ! Nyi Lusi teh aya nu maok ! aya nu nyulik !"

Preman   :   " Haah ! dipaok ? di culik ? kurang ajar,...! kusaha ki ? bejakuen tong sieun ! saha

                           eta nu geus wani-wani nyulik  pi pamajikaneun kuring ? berani-beraninya dia

                           bermain dengan maut ! Awas ! kapanggih di ...( datang pamuda mamawa

                                                                                                             Polisi )

Pamuda  :    " Tah,...! ieu pak ! ieu jelemana nu rek ngarampog si Aki teh !" ( ngasongkeun

                                                                Preman ka Polisi bari terus nyampeurkeun si  Aki )

                        "  Ki...! Aki teu nanaon ? mana Nyi Lusi ? pasti geus dikukumahakeun tah ku si

                            Borohol teh ! pasti ! Emh..mana teuing ! hanjakal tadi basa kuring ngadenge Aki

                            tulung tulungan teh teu waka wani nyampeurkeun, kalah ngadon neang heula

                            Polisi !" ( malik nyalahkeun Polisi )

                         " Bapak sih,...! diteang teh kalah hayo ngadon dahar heula ! beol heula ! mandi

                            heula ! antuknamah,... emh... mana teuing !"( Terus nyampeurkeun Preman

                                                                                                      anu colohok teu rumasa )

                          " atah adol siah ! Pak ,..! tembaklah barang na ! upami bapak teu sanggem mah

                             wios lah ku abdi !" ( bari nyobaan ngarebut pestol Polisi )

Polisi  ( nyaram ka Pamuda )    " Eit,...nanti dulu ! saudara dilarang main hakim sendiri ! biar

                                               kami nanti yang menangani !  " Ayo jalan !" ( rek  mawa

                                                                                                               Preman ka kantor Polisi  )

Preman ( kasieunan )  " Ki ,...tulungan Ki !"

Pamuda   :  " Montong daek Ki !"

Polisi      :  " Sebaiknya nanti Aki ikut menyusul ke kantor, untuk memberikan keterangan ! keun

                          bae ayeunamah reureuh we heula didieu !"

Aki    :     " Heu,..euh ! kunaon persoalan teh kalah tambah pabeulit ! Pak Pulisi,...Ujang,...

                     dangukeun heula ! sabenerna mah Nden Beni teh lain keur ngarampog Aki !"

Pamuda :  " Ki,...! Awas ulah rero ! montong di belaan nu kieu patut mah ! Inget,.. ! incu Aki nu

                       berharga geus jadi korban !" ( asa ka ingetan ) " Aeh ! heu..euh ! mana nya ari Nyi

                       Lusi na ?" ( culang-cileung neangan ) 

Polisi   :   " Enya,...mana incu Aki teh ?" 

Aki      :   " Nyaeta,..! ceuk Aki ge sabar heula ! dengekeun heula ! tadi Aki tulung-tulungan teh

                      kusabab si Nyai aya nu maok ! di culik !"

Pamuda  :   " Tuh,...Bener pan !  kuring oge tadi ngadenge basa si Aki tulung-tulungan teh !"

Aki        :   " heu,.euh ! tapi lain rek dikukumaha ku den Beni !"

Pamuda / Polisi   :  " Kusaha atuh ??"

Musik :   I can't live with you  ( Aki,Polisi,Pamuda jeung Preman babarengan

                                                                        neangan rek nyalametkeun Nyi Lusi )

                                                           

Musik : Esther    

Narator :  ( Sawatara eta, di Nagri kaJinan Sinyo Dracula keur macangkrama,

  ngakurkeun kasukaan )

Dracula   :  " Nyai,...! Sing betah Nyai didieu ! Ku akang rek dijieun patih goah ! tong sieun di   

                          pangnyelewengkeun ! tong sieun di serahkeun ! Akang mah moal kitu rupa !

                       Akang mah rek nyaah ka Nyai ! tepi ka Nyai jadi nini-nini panggeulisna !"

Nyi Lusi  :     " Sanes Akang teh Dracula ?"

Dracula   :   " Enya ceuk batur mah !"  

Nyi Lusi  :     " Sanes Dracula mah jahat ?"

Dracula  :    " Jalmi ge nu jahat mah balatak !"

Nyi Lusi  :    " Sanes Dracula mah sok nyerot getih ?"

Dracula  :    " Nu beukieun we ! jalmi ge seueur nu sok nyerot getih ! nyerot getih nu mariskin

               sina mingkin kejeng ! sina mingkin kering ! nu ripuh mingkin ripuh ! nu malarat

               mingkin tigerat ! leuwih pinter nyumput di nu caang ! pura-pura alim !

                        pura-pura suci ! pura-pura melaan jalma leutik ! horeng mah euwah-euwah

                bolongkotan ! dibajuan ku nu hurung herang ! di simbutan ku kecap-kecap

     anu arendah, anu nyombo ! gedebul wadul !"

Nyi Lusi  :   "Aya nu kitu di kerajaan Dracula ?" 

Dracula  :   " Tara ! didieu mah, nu hideung..hideung ! nu bodas,..bodas ! tara aya nu samar

              antara hideung jeung bodas ! tara aya hideung nu nyumput dina bodas !"

Nyi Lusi  :   " Akang sugema dumuk didieu ?"

Dracula  :    " His ! puguh... ! matak Nyai kudu betah ! Hayu geura kadieu !"

Musik :   Kuch-kuch hota hai  ( Dracula / Nyi Lusi nari babarengan, tepi ka

          akhirna Dracula ngangseu ayana kadatangan 4 jalma nu teu dipika harep di tempat na )

                                                           

Musik :  Death on two legs  ( Aki, Polisi, Pamuda jeung Preman nu datang rek

                                             nyalametkeun Nyi Lusi,ngeleper ragana, kabur pangacianana,peot

                 hatena, noroktok tuurna barang  nempo  kaayaan tempat /wujud Dracula nu aheng

                 pika keueungeun )

Aki   :  " Mun bener maneh Preman sanghareupan !"  ( bari nyurungkeun Preman )

Preman ( pasang kuda-kuda undur-unduran bari ngadon nyurungkeun Polisi ) "Mun bener

       aparat sok tah tewak dedemit teh !"

 ( Nu antukna, barang der pahareup-haruep jeung Dracula  eta jalma opatan teh silih

            andelkeun, galungan teh jadi pabedol- bedol, patojer-tojer, pagulung-gulung, pakeupis

            teu pararuguh, Pestol Polisi nu ngacleng kababuk ku iteuk  si Aki, bitu ngenaan

            dada Dracula ) "Dor!"  ( Dracula tibang nyengir bari seri nyerengeh  )

( Sabuat Polisi,Preman, jeung Pamuda sibuk nyanghareupan Dracula,si Aki cicing...biwirna kunyam-kunyem  mapatkeun jampe-jampe kana iteuk na ) 

Aki   :   "Phuah !" Awas ku aing geura !" ( bari solongkrong ka hareup nyingkirkeun nu lain )

                " creb!"  ( nancebkeun iteuk )

Musik :   In the lap of the Gods

Dracula   ( galeong-galeong sosompoyongan bari nyekelan iteuk nu nanceb dina dada na)

Nyi Lusi  ( reuwas ! ngajerit bari muru ka Dracula ) " Akaaaaaaang !" ( Dracula nambru dina

         lahunan Nyi Lusi nu ceurik ngadingdiut nyeungceurikan buah hatena nu keur

          sakarat )

Musik :   You take my breath away

Aki / Polisi / Preman / Pamuda   (  Colohok, teu nyangka yen Nyi Lusi teh geus

                kapaut ati ka jamparing asih ku nu nyulikna, atuh segruk weh careurik marilu sedih,

  sedengkeun Dracula nu keur sakarat cekleuk maot,sukma na lesot tina raga nu keur dilalahun

   keneh ku Nyi Lusi )

Nyi Lusi   ( teu ngoceak,...teu reuwas,...teu kaget,..teu ngamuk,...ngan gap we nyokot

                        pestol nu ngagoler,..." Dor !" nembakeun eta pestol kana tarangna sorangan ) 

Aki / Polisi / Preman / Pamuda   ( reuwas )   " Nyaiiiiiiiiiiii,..... !!!!"  (ngagorowok mani

                                                                     bareng,kelepek opatan nana kapiuhan,pararingsan )

Musik ( Panutup )   :    Let me live / Let's cling together 

 
©Copyright 2009 Iwan Rudiawan