"Sam, umak lak riyoyoan nang Ngalam ae kan?" takokku nang nawak idrek.
"Wah sakjane yo pengen ngalup nang ndeso jes, la yak opo memes kanal ambek memes kodew nang hamur ewedan. Kana e kadit onok nang ndeso, kabeh podo lungo nang Kutho" jawabe nawak rodok sedih.
"Lek iso taun iki kadit ngalup nang ndeso disik jes, ayahab" tak balesi.
Iki lo sebabe ngalup nang ndeso taun iki iso ayahab. Sebabe sik enek pageblug, jenenge Corona Virus Disease 2019 sing disingkat ambek wong medis maleh dadi Covid-19. Jane ayas kadit sepiro pinter boso Inggris, wong rapotku yo bijine abang kabeh. Tapi ayas cuma nerokno genaro-genaro sing pinter-pinter iku, dadi ayas maleh kadit kendho jes.
Mbalik maneh nang pagebluk yo jes, winginane pemerintah wis nerbitne aturan menteri kesehatan Permenkes Nomer 9 Taun 2020 isine Pedoman Pembatasan Sosial Berskala Besar utowo PSBB. Sakjane PSBB iku wis apik, ngatur jarak antar genaro supoyo kadit cidek-cidekan, tapi koyoke kadit ngatur ngalup nang ndeso, dadi masio numpak libome ewed utowo numpak angkutan umum tetep ayahab.
Sebab nang njero aturan iku enek Pasal 13 ayat 10 sing isine "Moda Transportasi Tetap Beroperasi dengan Beberapa Pembatasan Seperti Moda Transportasi Penumpang, Baik Umum atau Pribadi tetap Memperhatikan Jumlah Penumpang dan Menjaga Jarak antar Penumpang"
Iku ngono artine oleh mudik tapi onok syarate, yoiku njogo jarak, lha opo umak osi njogo jarak nang angkutan umum? umpamane umak iso, opo kadit rawan ta? ayas ewed yo gocik ta?
Yak opo-yak opo Covid-19 kui ayahab nemen. Kadit ketok wujude, yo kadit mambu. Moro-moro liwat omong-omongan ambek genaro malah iso nular utowo ketularan. Mulane onok istilah jogo jarak, boso Inggrise tancing-tancing ngono lo pokoke. Kui tujuane cekno pas omong-omongan ambek genaro liyane kadit podo nulari. Sebabe nulare salah sijine teko abab. Mangkane sakliyane njogo jarak kudu nggae masker. Dadi kesimpulane ngalup nang ndeso taun iki risikone ketularan corona dukur banget.
"Kan nang terminal, stasiun ambek bandara diperikso suhune jes?" jare nawak ewed.
Yo kadit osi ngono jes, sebabe demame Covid-19 iku kadit cuma mrikso suhu awakmu teko bathuk sing kinclong iku. Tapi, yo onok demam sing nang kerongkongan. Istilahe ngono sing diserang saluran nafas atas disik. Genaro sing kerongkongane enek viruse diarani genaro Asimtomatik, jare wong kedokteran kui artine genaro sehat sing nulari genaro liyane. Biasae Genaro Asimtomatik iki ora watuk, ora kedringes yo ora sesek, tapi yo ngono ayahab malahan. Tiap genaro seje-seje imun awake, enek sing kuat yo enek sing lemes ga nduwe doyo.
"Engko ta disik, umak tahes temenan ta jes? engko malah umak sing nulari ayas?" nawakku penasaran.
"Yo tahes ta? komes ta, wong ayas" tak saut ae wis babah.
