Tuhan Seng Basangaja

Tuhan seng parnah basangaja

Apalagi berfirman pakai parang par bakalai

Katong ini, umat Tuhan

Dapa suru par biking bae

Tuhan seng parnah basangaja

Biking bafitna dari mulu ka mulu

Sampe aer ludah dijilat sandiri

Ini karna, katong umat Tuhan

Su lari dari mangaji di bapa haji

Tuhan itu, seng parnah lalah

Bilang katong,

Par kalesang negeri-negeri

Agar anak cucu dapa hidop

Umur panjang

Tuhan slalu bilang

Jang mara-mara, mari baku kas inga par bae saja

Jang bakalai, mari baku gendong

Walau bukang sodara kandong

Tapi katong su pela dan gandong

Jang biking Tuhan manangis

Jang biking lao maraju

Gunung-gunung balari

Jang sampe, katong dapa user dari malaikat

Gara-gara satu orang.

                                                            Ambon, 8 Mei 2017, Voor Basudara.

baca juga: http://fiksiana.kompasiana.com/nasirpariusamahu/sms-sesama-menggunakan-syahadah_5910503d569773f7745c4abd