Wagu
1
Basa tegal jarene wagu
Logate blethakblethuk gawe guyu
yen wong nganggo basa tegal
gagahe sapira mbuh ayune sapira tetep bae
sering nemen diguyuni, guyune madan ngece,
"Haha.. Ganteng-ganteng Kok logatmu begitu?"
"Hihi... Ngapuntenipun MbakYu, ngomongmu lucu"
2
Basa tegal jarene wagu
Monine nggragal kaya aspal
Ora alus. Ora empuk kaya bantal
Dadine saiki basa tegal wis ditinggal
3
Saya lahir di Margadana, seberang pantura
Seharusnya basa tegal adalah bahasaibu saya
Tetapi Ibu saya tidak pernah mengajari saya
Kata Beliau, tidak perlu! wagu, jelek, ndesa!
We use english n bahasa Indonesia saja, Nak.
***
Ngimpi
Mbengi kowen teka
ngguggah nyong lagi turu
Raimu abang mangar-mangar
Rambutmu murub mulad-mulad
kiwamu njunjung watu
tengenmu gawa bendo
tuli ujug-ujug kowen ngapruk
tuli ujug-ujug kowen nggorok
Ndaraniku sih mung ngimpi
jebule kowen bener mateni
Saiki nyong ana ning endi?
***
Langit lan Laut
(Terjemahan bebas dari Puisi "Langit dan Laut", Agus Noor)
Lamon enyong langit lan rika laut
Apa sing dadi watesane?
Lamon enyong langit lan rika laut
Kepriben cara bedaknane?
Lamon langit lan laut kuwe nyong karo rika
Sapa sing pan mblaret ndisiti?
Nyong karo rika langit lan laut sing diketemukna
Dudu eben pada seneng
tapi eben pada bae nguatna
dening laut lan langit nyong karo kowen dadi siji
mung eben bisa ngerteni rasane kelangan
Nyong nyilem ning lautmu
Eben dadi langit nggo sedihmu
lan kulitmu sing alus dadi langit amba
nggo kenanganku
Ning lautmu kasusahan tansah kaya manuk
Nggoleti langit sing liya
Atawa sing bisa
"Nyong percaya: langit sing paling amba
kuwe ati sing laka bencine
Mulane, dadia rika laut
sing mbebasna enyong saka harapan."
"Laka cinta, merdeka kuwe mung laut suwung
langit sing ora duwe awang-awang!"
lamon merdeka kuwe laut
sigepanmu prau
sing nylametna enyong.
***
Wong Mendem Nembang
Iwak betik Iwak pitik
Bocah cilik sikile busik
Godong gedang iwak pindang
Bocah bujang senengane nglendang
Mbako papir nggo gawe udud
Wong wis tua ora kena mbedud
***
Belih Papa
Belih papa rika pan lunga
dolanan manuk sedawane dina
Karepe rika enyong lila
asal bae rika aja sampe
lunga karo wadonan liya
bakal tak pecak manuke rika
***
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
