Miturut Imam Al-Ghazali ing kitab Ihya' Ulumid-Din ngandharaken bilih sunahipun pasa dados langkung ageng ajinipun menawi katindakaken ing dinten-dinten ingkang utami kados ing wulan rajab punika.
Wonten mapinten-pinten pangibadahan sanesipun ingkang saged katindakaken ing wulan ingkang agung punika, kadosta maos al-Qur'an, maos shalawat, dedana utawi infak sadakah lan amal salih sanesipun. Ingkang baken, kados pundi kita saged ngginakaken wulan punika kangge ningkataken kualitas dhiri, sae punika gegayutan kita dhateng Allah utawi tumindak sae dhateng sasami. Mumpung taksih sehat, taksih kiat, taksih sempat, taksih sugih, samia cancut taliwanda ngginakaken wulan Rajab Ingkang Agung punika kanthi nanem kasaenan, dhedher wiji-wiji kamaslahatan sakathah-kathahipun, supados kita estu saged ngraosaken kaberkahaning wulan Rajab.Â
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H