[Humor Jawa] Pesto Nikahan

Pesto Nikahan

 

Ayo podho ngguyu dhisik yo poro konco.... Kanggone sing ra enjoh boso Jowo, takon mbah gugel. Kuwi nek karep.

 

Anggepen wae wingenane dowo aku teko nang pesto nikahan..... Pas acara mangan prasmanan..ono kedaden... Aneh bin ajaib tur jelas gnok tunggale.

 

Poro tetamu sing ngantri koq ora mingked maju... Nganti wis dowo banget tekan ngarepe pelaminan manten.... Penasaran to wis. Bareng aku ngalahi metu ko antrian mlaku ndelok mengarep... 

 

Jebule, paling ngarep dhewe ono piyantun wis sepuh lagi ngudhek-udhek panci sop. Iruse gur mubeng wae ora bar-bar...

Tamu sing ngadeg pas mburine wis entek sabare, njawil karo cemuwit.

 

"Pak...pak... Ngapunten pak... Mbok gelis nek ajeng nyidhuk sop! Sing ngantri mpun dowi sanget. Cobi ditingali piyambak niko, sami ngrantos bapake...!!"

 

Si bapak koyone rodo budheg, ning cukup tanggap wong nyatane yo njuk mangsuli.

 

"Sing sabaaar to le... Sabaar... Po dho ora weruh, untu palsuku nyemplung nang jero panci sop.... Kawit mau tak golek-goleki kok durung ketemu ki lho......!!"

 

Krungu wangsulan ngono... Byaaaar.... Sak kolo antrian langsung ..bubbaaarrrr !! 😣

 

Duri, 20160415

Tabik & salam HUMORana

 

 

Ttd & stempel resmi

Kementerian Entah Apa Enaknya

 

Pemantik gagasan: DaksoS_ubtm70_14/03

 

Tags: Hiburan, Humor Jawa, Pesto Nikahan, M. Edy Sunarto