[Humor Jawa] Bedhes Nglangi

Sawijining dino, sinambi nggolek isis neng teras ngarep omah Dodo ngobrol karo bojone.

 

Bojo: "Mas, aku kancanono yo, kok pengin latihan renang, gelem to?!!"

Dodo: "Kapan? Ojo dino iki, kadhung lagi kepenak nglaras."

 

Bojo: "Lha nek Senen sangertiku kolam tutup mas. Dikuras."

Dodo: "Orane to jeng, kadingaren ndadak kelingan nglangi barang. Arep ben opo?!" 

 

Bojo: "Ben langsing to Mas, koyo jaman isih prawan ndhisik..!"

Dodo: "Haalaah, wis tuwo ndadak koq jik pethakilan. Gene iwak paus kae sing terus wae nglangi yo tetep wae gendhut...!!"

 

Bojo: "Huhhhhh..!! Alesan. Emoh ngancani ono-ono wae sing diucap. Yo wis, nek aku mangkat ijen, upamane neng kono ketemu arek nom-noman ojo njuk didakwo sing neko-neko lhoh."

Dodo: "Nglangi yo nglangi, upamane njuk ora kathik nganggo buntut sing mbok ucap mau geneyo to jeng?"

Telung minggu sakwise iku...

 

Dodo: "Jeng, wiwit saiki aku arep mangan woh-wohan sing akeh. Sesuk pas blonjo neng pasar, jo lali tukuo yo...!!"

Bojo: "Koq kadingaren to mas doyan woh, arep ben opo to mas?"

 

Dodo: "Ben luwih sehat to jeng, empat sehat lima sempurna kae jebul bener koq. Tur yo marakke seger neng awak lan tetep ajek nggantheng koyo jaman nom-noman ndhisik. Harak kowe yo njuk katut melu mongkog atimu...!!"

 

Bojo: "Ealaah mas, mas.... Padune pengin disawang piye karo rondho teles sabrang pojok ndalan kae to?"

Dodo: "Lha koq mlumpat mrono to jeng?"

 

Bojo: "Ra sah nutupi sing sregep lirak-lirik yen nuju liwat kono. Karo maneh mbok yo dipirsani munyuk Wendhit kae, saliyane katemben ono sing wong nguncali kacang rebus, saben byar mangane woh-wohan, rupane koq yo ajek wae. Tetep elek...!!"

 

BEDHESE NJUK NGAKAK

Laughing Monkey 

(Made Famous by Russell Howard)

Bruce Lauderdale

https://m.youtube.com/watch?v=oVSoTOnFGV8#

 

-----oo0O0oo-----

Tabik lan salam HUMORana

 

Ttd & stempel resmi

Departemen Humor Garing

 

Ide cerita: Samsi H, ubts73, 4/10