[Humor Jawa] Ayu-ayu Bocor Alus

 

 

Ayu-Ayu Bocor Alus

 

Tulung yo, anggepen ae sing disebut jal Freddy mbek jal Ari manggon nang omahe sing ndhuk Suroboyo. Tengah kutho pisan.  

 

Saben dino Minggu koyo saiki iki taman sing endi wae nang Suroboyo mesti dadi rame. Dadi media interaksi sosial warga. Ngiras-ngirus nggo mulihke kesegaran jiwa. Taman-tamane temoto endah, asri, resik tur komplit dicepaki bangku-bangku papan lungguhan, nggon & sarana arek cilik dolanan, bak sampah yo ora kurang, toilet barang yo ono.

 

Wis to, besutane bu wali Risma pancen oke pokoke. Durung kisah sukses liyane.

 

Wis semayanan kawit wingi, Rini ubabe jal Freddy metu mlaku ngarah omahe jal Ari. Mapag Woro salah siji ubab ayu manis kancane akrab. Ketemu, barengan mlaku sinambi guyon nuju taman Bungkul.

 

 

Meh cedhek taman Rini nemu barang tipis nggilap, pecahan pengilon iku, dijupuk, disawang-sawang setiti banget.

 

"Sik tah....... Arek wedok ayu dhekik pipine ndhuk kene koq koyok kenal yo aku.... Lali temen aku Wor, tau kepethuk nang ndi yo? Blas koq gak eling," ngomong ngono karo ngantek njekithut bathuke Rini mergo sajak mikir jero.

 

Woro: "Kene, kene tah, tak ewangi ndelok, bek-beke malah aku sing weruh."

Cuwilan pengilon pindhah tangan. Njuk krungu Woro setengahe mbengok bungah koyo bar menang ngopyok arisan.

 

Woro: "Weruh aku! Eling!! Genah arek iku aku ngono lho Rin, Rin. Koq bodho men awakmu se, sampek iso lali mbek aku!!"

 

 

Tabik dan salam HUMORana

 

Ttd & stempel resmi

Departemen Media Penerangan Luar Dalam Nyata Maya

———————————————