"Jiaaah, elu masih bau kencur, Krem! Yang namenye gaji, kagak ada hubungannye sama kesetiaan! Kalo duit udah berkuasa, maka kesetiaan orang sama pekerjaannye bakalan ancur! Ah yang kayak gini mah berita basi! Pake itu orang-orang di atas bilang baru tahu kalo ada yang kayak gini. Alesan basi!" Bang Acim mendadak jadi naik darah.
"Emang dulu abang berape taon nginep penjara?" tanya Kremian
"Di Salemba gue dapet 2 taon. di Cipinang gue dapet 4 taon. Tapi untungye gue kagak sampe dikirim ke Nusa Kambangan..." kenang Bang Acim.
"Kenape kagak jadi dikirim, Cim?" tanya Bang Namun.
"Ye, ujung-ujungnye ya duit dong Bang! Untungnye anak buat aye kasih setoran gede. Jadi aye bisa atur orang penjara entuh buat bikinin Pembebasan Bersyarat, terus aye diurus deh sama orang-orang Bapas di Jakarta Barat. Ya, nyogok juga! Nah, baru deh akhirnye aye bebas!" kenang Bang Acim lagi.
"Oooh jadi emang ape-ape mesti nyogok ye, bang. Kirain cuma urusan nyari kerjaan doangan?!" komentar Kremian.
"Lu bener, botak! Di negare kite nyang menjunjung tinggi hukum ini, ya bisa beli hukum! Duit yang paling kuase!" jawab Bang Acim.
"Emang dulu kasus lo apaan sih, Cim? Koq lama banget lo di penjara? Lha koruptor aje paling lama cuma 3 taon. Entuh juga akhirnya dapet pembebasan bersyarat, dapet grasi, dapet remisi, potong tahanan... macem-macem deh..." Tanya Bang Namun sambil finishing kepala Kremian.
"Hehe... jangan heran, bang. Justru jadi koruptor entuh emang enak bang dimari mah. Kalo gue tau dari dulu, mending gue jadi koruptor, ketimbang jadi preman." sesal bang Acim.
"Jiah elu, nyeselin nyang due-duenya kagak bener! Tobat luh!" nasehat bang Namun buat bang Acim.
note :
Beri Komentar
Belum ada komentar. Jadilah yang pertama untuk memberikan komentar!