[caption id="attachment_187742" align="alignleft" width="205" caption="foto: ressay.files.wordpress.com"][/caption] "Segale ape juga udah pade naek!" Sesal Mpok Geboy yang diprotes oleh salah seorang pelanggan gado-gado betawinya.
"Lha, tapi kan nggak perlu naekin harga gado-gadonye, mpok!" Protes Mpok Iyom sambil cemberut.
"kan gue cuma naekin gope! Dari empat ribu limaratus jadi goceng (5000)... cuma gope, Yom!"
"Lha, gope juga duit mpok! Kalo gue beli 10 bungkus, berarti kan gue musti nambah 10 gope! Lagian, kan kebanyakan bahan gado-gado direbus, kagak digoreng. Jadi lu kan kagak pake minyak!"
"Palelu bau menyan! Lu kire gue ke pasar kagak naek ojeg? Lu kire harga cabe, kacang, sayuran, kagak ikut naek? Emang lu kagak pernah beli gas? Pan gue masak pake gas. Lu kire juga, emang gue goreng kerupuk ame emping pake pasir, kagak pake minyak? enak aje lu ah!" Mpok Geboy menjelaskan sambil tetap mengulek bumbu gado-gado. Meskipun mereka berbantah soal kenaikan harga gado-gado, tetap saja Mpok Geboy menyiapkan pesanan Mpok Iyom, karena tetap saja Mpok Iyom membeli gado-gado Mpok Geboy. Maklum, ia termasuk loyal customer.
"La iye, sih. Cuman gue senep aje... semue kebutuhan pokok naek. Lha, gaji laki gue kan kagak naek..." Suami Mpok Iyom bekerja sebagai petugas parkir di sebuah mall besar di bilangan Semanggi.
"Mao pegimane lagi, Yom... Lha, kite mah terima aje deh. Lagian, protes juga percuma. Mane pernah sih kenaekan harga bisa diprotes?" Balas Mpok Geboy.
"Kalo ada barang yang hargenye naek, pasti deh yang laen latah, langsung ikut-ikutan naek!" Sesal Mpok Iyom.
"Sembarangan aje lu ngebacot, Yom." Sela Bang Namun yang baru datang untuk membuka kios pangkas rambutnya, di sebelah kios gado-gado istrinya, Mpok Geboy tercinta. "Kagak semua orang latah, ikut naekin harga. Lha buktinye, gue kagak pernah naekin harga! Dari lebaran 2 taon lalu ampe sekarang, ongkos cukur di tempat gue kagak pernah naek!"
"Lha, iye Bang. Iye, aye mah ngerti deh. Lagian kan abang nyukur rambut orang kagak pake minyak atawe gas!" Mpok Iyom kagak mau kalah debat.
"Lu kire gue kagak bayar listrik. Nah, listrik aje udeh naek bulan ini. tau lu?" sentak Bang Namun.
"Ya udah, kalo gitu naekin aje bang!" Mpok Geboy memberi saran kepada suaminya.
"Halah, kagak dah. Dari pada gue keilangan langganan, mending gue betahan aje sampe kiamat!" Bang Namun bukannya melanjutkan buka kios malah duduk di bangku kayu, di kios istrinya. Mungkin dia mau sarapan dulu.
"Nah, Abang emang hebat! Kagak lantas latah ikut-ikutan naekin harga. Itu baru pengusaha yang ngerti kantong rakyat, bang!" Puji Mpok Iyom sambil mencomot emping yang baru saja ditaburkan di bungkusan gado-gado yang dibelinya.
"Kebiasaaan luh! Gue belon selese ngebungkus udah ngembat emping!" bentak Mpok Geboy.
"Maaf Mpok! Abis doyan sih... " Mpok Iyom nyengir. Gigi kelincinya terlihat jelas kalau sedang nyengir.
"Eh, emangnye sebentar lagi mau bulan puasa ye?" Tiba-tiba bang Namun bertanya.
"Lha iye, tapi masih sebulan lagi, bang.." Jawab Mpok Iyom sambil mengunyah emping yang garing. "Emang kenape bang?"
"Kagak. Biasenye, yang gue peratiin, bulan puasa entuh udah deket kalo barang-barang pada naek harganye."
"Lha, begitu ye bang? Aye kagak pernah mikir ampe kesitu?" balas Mpok Iyom.
"Ya, entu mah cuman pikiran gue aje..."
"Abang pegimane sih. Puasa ntu kan ada bulannye bang. Bulan Romedon (Ramadhan), Lha, kan sekarang bulan Rejeb (Rajab) ya berarti emang udah mao puasa bang..." Mpok Geboy yang aktif dalam pengajian Majlis Taklim Kaum Ibu di RTnya meluruskan sang suami.
"Ye, dari bocah gue juga tau kalo puasa ntu bulan Romedon. Cuman gue kan merhatiin, kalo setiap mao masuk bulan puasa, pasti harga-harga pade naek!"
"Iye ye bang. semue harga pade naek. Perasaan aye, kagak ada yang turun?!" Sela Mpok Iyom.
"Ada! Cuman lu aje nyang kagak tau!" Jawab Bang Namun.
"Ada? Harga ape yang turun bang?" Mpok Iyom penasaran.
"Harga diri!!!"
"Et dah, abang.... kirain harga ape... ada-ada aje!"
"Lu liat kagak di Tipi? Banyak orang-orang ngetop yang harga dirinye turun! Tuh, kayak artis-artis yang mamerin badannye di pidio mesum, Pejabat nyang korupsi, Pengusaha nyang nggelapin pajak, hakim dan jaksa yang gampang disogok, perwira pulisi yang punye rekening gendut... Banyak banget dah orang yang harga dirinye turun!"
"Padahal udah deket bulan Romedon, ye bang... Kagak ada nyang insap juga tuh orang..." Sambung Mpok Geboy.
"Lha, perasaan tiap bulan Romedon, itu orang pade insap. Tapi tetep, abis lebaran gila lagi!" Mpok Iyom menambahkan.
"Hush, uda deh, gue buka kios aje. bentar lagi langganan gue, pak Guru mau dateng, minta dicukur!" Bang Namun beranjak dari tempat duduknya."
"Dicukur apenye bang? Gajinye?" celetuk Mpok Iyom sambil ngakak.
"Plenyun luh!" bentak Bang Namun ngeloyor pergi...
