Miturut Historic Mysteries, ana salah sijine dedongan paling tuwa, yakuwi kedadeyan ing taun 1 Masehi, nalikane Ovid, salah sawijining tukang sihir an penyair nulis ngenani "The Metamorphoses". Ing kono dheweke nyaritakake sawijining raja saka negara Arcadia, kang aran Lycaon ada-ada arep ngglembuk Dewa Zeus supaya gelem mangan daginge manungsa. Zeus sing waspada dadi duka yayah sinipi lan nyupatani Lycaon dadi asu ajag. Jeneng “lycanthrope” dhewe asale saka Lycaon.
Salyane dedongengane Raja Lycaon, ana maneh upacara kang dianakake ing Yunani kuna kang aran "Lycaca". Miturut Republic, Book VIII karangane Plato ing Encyclopedia Britannica, upacara iki dianakake kanggo ngurmati Zeus ing Gunung Lycacus lan dinuga nganakake tumbaling manungsa lan manungsa kang malih dadi asu ajag. Ahlig geografi Yunani, Pausanias uga mratelakake menawa ritual iki kawitan ana ing abad kapindho Masehi.
Ing sanjabane Eropa, dedengengan ngenani manungsa srigala uga sumebar ing budaya liyane. Miturut Animal Planet, ing suku Navajo, para tukang sihir bisa malih wujud dadi apa wae sing dipengeni, kaya dene asu ajag, srigala lan uga gagak kang minangka bentuk sing paling disenengi.
Ing jaman saiki, manungsa srigala paling sering katon ana ing Wisconsin, Amerika. Utamane ing taun 1980 lan 1990-an, sawenehing wewujudan srigala kang memper manungsa ing sacedhake Elkhorn, Wisconsin. Miturut “MasterQuest”, nganti saiki wis ana luwih saka 200 laporan ngenani prastawa wewujudan manungsa ajag ing sak negara bageyan Wisconsin.
Kapethik saka: Epoch Times
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
