Bapa, Mama...
Di depan kamong beta senyum
Di depan kamong beta tatawa lebar
Di depan kamong beta mangaku
Bapa, Mama...
Di depan kamong beta sehat
Di depan kamong beta semangat
Di depan kamong beta ponoh ambisi
Bapa, Mama....
Kamong seng tahu saja kalo kamong pu anak ini
Sering sekali beta manangis
Sering sekali beta  menjerit dalam hatiÂ
Sering sekali beta mau  tolak tapi seng mampu
Bapa, Mama....
Kamong seng tahu saja kalo kamong pu anak ini
Sering sekali beta rasa sakit
Sering sekali beta kehilangan beta pung semangat
Sakarang beta kehilangan ambisi untuk mengejar mimpi masa depan
Kamong pu anak ini capeÂ
Hampir beta manyarah, bapa
Hampir beta pilh jalan salah, mama
Tapi lihat  bapa deng mama pu perjuangan
Beta pilih terus bertahan
Bapa, Mama....
Tatap deng beta eeÂ
Tatap jadi beta pung fondasi
Tatap jadi beta pung  penuntun
Beta ada karena kamong
Beta berjuang untuk kamong
Beta kuat karena kamong
Jadi beta mohon dari ujung kaki sampe kapala
Bapa deng mama harus tatap ada sampai kamong pu  ekpetasi par beta jadi nyataÂ