Bang Jali ketawa. Mpok Minah roman-romannya makin séwot. Makin terus nyol-nyol.
“Abang seneng kan?”
“Bukan seneng. Lucu aja denger kepanjangan GGS vérsi elu.”
Mpok Minah narik napas.
“Abang sih émang kagak muda lagi. Uban mingkin banyak. Gigi-gigi pastinya udah pada mulai ajojing. Kaca mata mingkin tebel.”
“Nah tuh elu tau pan...”
“Tapi ntu juga bukan jaminan abang kagak bakal digaét ama GGS ntu, Bang.”
“Maksud lu?”
“Aya pan tau abang. Biar kata tua, RPM abang pan masih oké...”
Bang Jali kagak bisa nahan ketawa lagi. Geli juga dia ngedenger bininya ngomong paké istilah RPM segala.
“Paké bawa-bawa RPM segala. Lu tau émang kepanjangannya?”
Beri Komentar
Belum ada komentar. Jadilah yang pertama untuk memberikan komentar!