ZAMAN KIWARIÂ
nu kudu dibuni-buni
disingsat-singsat dibuka-buka
disingkab-singkab ditembong-tembong
nyalindung satukangeun
seni jeung hak azasi
Â
DITEUREUY ZAMAN
Sawah upluk-aplak
salin jinis robah wanda
ngajirim jadi kebon beusi beton
pabrik industri
Sawah sakotak
di tutugan dua gunung
di sisi dua lamping
dimurah-mareh
Â
PATI
Pasrah sumerah
moal narah menta tempo
upama dipapag Izrail
ngan ieu hate cangcaya
kebek tumanya naha baris aya
nu ngeclakeun cimata
Â
LODONG KOSONG
di mana
di mendi
di jalan
di gang atawa di jalan satapak
di terminal
di buruan
di kantor-kantor
di poporogok
di gedong sigrong
pabalatak lodong kosong
pagede-gede
pangentrung-ngentrung
dina koran
dina televise
dina sosoal media
narik ati mere pangharepan
jariga enya babakti
kasakit kawerit
sarwa warurat
teu kendat-kendat
lodong kosong
mingkin ngelentrung
pada nabeuh
Â
SAPASANG SAPATU
Sapasang sapatu
nyompok di juru lawang panto
direnyang-renyang pada nyemir
angger teu payus dipake
puguh ge lain semireun
kulitna belewuk, sararoeh
ditelek-telek
beda nomer beda model :
sisirangan
Â
NGAJI DIRI
meulah dada
ngobet eusi hate
bau hangru
MAPAR LARATAN
 di hilir
tigerat
sarwa warurat
galengan dikurilingan
ngaranca liang yuyu
mapay kakalen
muru hulu wotan
nempo sungapan
saat ngoletrak
muru ka girang
bendungan bedah
ngagulidag ka sawah
babah
Â
ngahenengÂ
sisi bendungan
bati kutuk gendeng
si Babah haram jadah
Â
NEANGAN KAADILAN I
Weleh hese diteangan
nu Kapanggih ngan ukur tai mangsi
panasaran dipapay ka jarian
kasampak keur digogotong dina pasaran
Â
NEANGAN KAADILAN 2
Digubag-geubig teu walakaya
disentakan keukeuh pageuh embung nyarita
aya nu ngeclak kana pipi, nguniang hudang
pok nyarita bari nyerengeh : kaadilan mah demit,
jurig jarian ayana dina gepokan duit (Ngagolepak deui dina jero pasaran)
Neangan kaadilan,weleh teu puguh juntrunganana
 Â
NU DARAGANG HAREPAN
Nyarampay
dina pager
dina tatangkalan
di awang-awang
ngawang-ngawang
bet kebek ku pananya
kumareumbing dina jero dada
naha arenya
lain saukur pangoloan atawa pangbibita
ngawang-ngawang
pamohalan
Â
000
Â