Bugang Ni Holong ( Cerpen Batak)

Cerbung Batak..

* Bugang ni holong *

Pas manyogot, ribut ma ina-ina marsoali diaek an. Uma ni siholas dohot uma nisi peti.

Maleleng, inda tabo be lala uma nisi holas, ditinggalkon ia ma sabunon i. Rerak ma sude, gabe sar diboto halak halai namarsoali.

Lalu dibagasan, dipio ma si holas.

" on pe amang, ulang huida dohot hubege be dipardongan ko boru ni si ria an".

"Tapi uma.."

"Ulang tapi, mola ditangihon ko dope naidokkon amang".

" Olo uma" mabiar ia mola dilanjutkon bakkit darah tinggi ni uma nia i.

"Ahai nakkin uma holas" ni aya nisiholas sambil manggarut gupak. Gabe tangis ma ia mangadu-adu.

"Anggo au do aya holas memang nalayasan do roha nihalak mangida au" pasonggip2 on ma ia namarhata2 i.

" Asi didokkon ko soni, ise do luai marlayas niroha diho, dokkon bo. Gupak on doma alo-alo ni i" lek tangis dope uma ni siholas,

"Napaccingan hulala disapai lek tangis da" gabe aya ni si holas do gara pambaen ni i.

Dung saminggu sian kejadian i, lek martabuni-tabuni ma siholas dohot sipeti pasuo di aek sappuran nangali i.

" au pe abang biama hudokkon, anggo holong do diboto abang do, tapi diama mungkin i, lek naso dipaloas bujing doi" nisi peti.

" Bou nimmu do da, anna bujing mui" lek natenang pakkilalaan nisi holas.

"Au pe anggo sonon sajo doma, putus ma hita pala, namasalah sajo doma anggi dihubungan ta on"

"Pasuo pe namartabuni-tabuni doma".

Tangis ma sipeti " sonima didokkon abang, ahado gunana tadalani ma opat taon, tega maho abang".

"Attong biado anggi, au maccit ulukku makkaji i, pala kawin lari ma hita" muli setan doma dituruti si holas.

" inda boru ni uma be au pala kawin lari hita, tapi diboto abang do, roma abang le tu bagas mangalap au"

"Baru..."

"Baru nia dope, oban au. Aha pe naterjadi disimadiadopan i"

Pagomos holong ima lala si holas, tar di haol ia ma sipeti.

Inda jojor be siholas karejo, buah simalakama ma sude, mola ro au tubagas an, oloma disi taradopi, torus tudia boanonku ia, o tuhanku. Godang ma holos nia mamutar sitiur i.

"Palan-palan da bang, madabu hita naron" nisewa nadilambung nia i ma.

Palalu holong, ma sabulan napasuo. Lalu turun sewa i sude, kehe ma siholas got manabusi baju disi peti, tab di ida ia ma basaen salendang warna na gorsing. Taralap rohama ia got manabusi i.

Tarlobi dipamake, uma nisiholas tarmalo ma margaya. Attong boru jawa do ia jolo harana nadi adatkon do gabe boru ritonga. Pas mangan hambeng marluhut ma sahuta, marsipasilian ma halai dohot uma nisi peti.

Roma uma nisi peti, matartobang tapi lek namaradong ma dihuta i. Tai lek marulak-ulak ma ia mangida uma nisi holas on, sonon basaen nisipeti do huida nadipake nia i, dibagas roha nia. Masonon nakabur parnidaan nia i samaso i.

Tapi harani lek marsoali, attara naso di ida ia ma. Tup, roma sipeti. Bidan desa dottong, lek bujing ma pamake ni basaen on. Sarupa basaen nihalai dohot uma nisi holas, warna na do beda saotik.

Gara ma uma nisi peti, aaaaa.. Hape naditabusi hodo basaen diuma nisi holas, asi sarupa nia. Inda diboto ia pangalehanan nisi holas doi.

Kecet tu kecet, sar ma berita on. Dohot naso mungkin be siholas dohot sipeti, inda salevel be bidan dohot supir ninna ma hobar dihuta-huta i.

" inda dabo soni, anggo memang naso setuju do halak uwa nakkon, halai pe harana adong do alasanna makana soni " makkahaluangi ma boru ni uda nisiholas on.

"Olo ito, idoma dalan nai" bile ma tondi nisi holas, sampe saminggu nara ia maroban motor sewa i.

 

“ Nabia do peti, nanggo naho manabusi basaen uma nisi holas i ?”,
“ Oinang uma on, bahat do nasarupa da uma” lek borat madirasa ia mangalusi sapa-sapa niumak nia i.

Anggo aya nisi peti lek ohom, napola adong alus nia mangalusi hata nidaboru nia i. Tong lek sigaret ima dibus-bus ia. Tarengot dijolma nabahat, mabiasa mola mambege gosip naso direstui halak sipety dohot si holas, gabe tu orang tuana pe jadi maralangan do mola rap menghadiri sada acara.

Saat i hari jumat,
“ JANGAN MENDIAMKAN SAUDARA!!!
“Tidak halal bagi seorang Muslim mendiamkan saudaranya lebih dari 3 hari.” (HR. Bukhari & Muslim)” Ni ustad i ma pas markhutbah,

“Dalam kehidupan sehari-hari, barangkali ada ketidakcocokan dalam suatu keluarga. Mungkin ketidakcocokan itu akan disikapi dengan saling diam dan tidak saling sapa” i tekan ustad ima saotik suara nai laos manyampehonna.

“ Dung borat do da dosa ni i, mola pas do namarsipakkulingan, saat i hita maninggal !. Narako doma inganan i dah. Tahe Bapak ?. Tolu ari dope i da, biadoma dung martaon, biadoma anggo saudara kandung dope naso marsipakkulingan i!. Na’udzubillahi min dzalik”.

Gabe sonon tarsihir ma lala aya nisi pety, isirik ia tusamping. “ Astagfirulloh...” bagasan roha nia, marulak-ulak roha nia maligi aya nisi holas.

Tarengot diparrohaon, mola uma nisi Pety parbada sarupa dohot aya nisi Holas, anggo aya nisi pety lambok sonon umak nisi Holas buse. Jadi ima inda pola jadi porang, rap adong paborgohonna.

“ Alah le Tuhanku” niaya nisi pety didapur makkubak pining. Habis mangan kotu, lek marlopes dope ia namulak sumbayang jum’atan i. Dung dicaritohon ia sude tu halak bagasna, ohom mada umak nisi Pety satokkin, niroa nia aek borgo doma naro i.

“ Jadi got setuju ma ho i ?, anggo au do aya pety lopus mate inda isin au, sampe mate” gabe got jat ma pakkataion on.

“ A...a.. a, hebat ma hulala parrohaon mi, nanapade do nahu dok i, takko got ise lana manyapai siPety, mola supir pe mangan doi” gabe roma si pety san kamar i,
“ Madung ma i aya, uma. Au pe mola inda nihalak uma napola tusi be” naparlungunan sipety on, biamatong boru sada-sada boru namanja.

Lalu ohom ma uma nai, huk tukamaran.

“ Au inda mangattaki inang, homa mamboto natuho. Mola memang tanggung jawab do si Holas suru ro tuson, dihataan pade-pade”.

“ Au inda pade hulala, gabe iba marsalisi gara-gara ni i” holong niroha ma dibaen tuboru nai laus mandokkon hata.

Kabar-kabari dihuta i nagot marbagas nama sipety, tapi arbis do berita i inda jelas sana tu ise nagot parbagasan on. Lalu tarengot disi holas gabe lelengan dilopo pakteran doma ia,

“ Tudosson namardalan, jumpang parsippangan. Tung so huboto dia do situjuon.Mola sala pilit mabiar au lilu, mulak pe mulak biar rohakku habornginan. Tudia doma au haholongan, patudu tung paboa hasian” dohot ias niroha doma mangendehon bope dung satonga teler.

Disambung si doli namar baju nalomlom i ma muse,

“ Ai begu aha do namangisombu, umbaen namuba roha mu ito..... “

“ Pety...” tar danget didokkon bayo diakhir ni lagu i. Namar dongan gabe ibo do rohana tu si holas.

“ Sonon ma puang, mola inda tabo roha i, gabe insomnia do au” sambil mangattak mangarambas gitar i lalu pature kupia namarsuharan i.

“ Bahasa aha doi lae, dang mangarti au” sahut donganna lopus matuhakkak.

“ Bah bayoon, homa naukkolot, nara meldep matai.. hahahhahaha” memang suasana lopo tuak buka 24 jom doma dibaen kali sahatia i.

“ Mulak mahita da, dijalaki au naron puang. Naron marmagoan boru nihalak iba buse isangka halak” bile niroha mardomu tuk doma dilala siholas lau mamutar kareta nai.

“ Ile puang, godang na ho. Soni dope tor hitir do roham”, “ anak mami si dak....” puk-puk matuhakkak akka dongan na.

 

Tarengot holong nadong nara talu diparrohaon. Rap anak sisada-sada tapi ima salana harana so martitle ma siholas, inda salevel be lala uma nisipety. Mola diida ia boru nia holan na ohom, lek marulak, iligi ia buse iborohania.

“ Boru...?” lambok masoranai lao mamio san tonga i. “ ahai umak” laos hipas sipety ro donok tulambung nai.

“ Mola naikkon si Holas do inang got topotonmu napolai. Lakka ma inang” manetek ma ilu na dipardomuan nahurang sehat aya nisipety akhir2 i. Niroha nisipety namayuna uma nia i, migor tangis ma ia “ inda le uma, inda got tusi au..” lopus dihaol.

Arbis di ida aya nisi Pety, lek isi roha nia mangida na. “ Allah ya Tuhanku, mola mate au biama nadua on” diroha nia laus manggolom andora nagot mulai milas.

Marbulan ma si Holas dung dibagas ni tante nia di Medan, pahoppu haholongan ma ia disi. Oppung nia i pe matobang sajo, hurang-hurang sehat. Manolongi marjualan, kadang inda bisa be tante nia karejo harana manjago oppung nia i, gabe ia ma ditahan dimedan. Mardomu buse diboto halai masalah nisi holas i.

“ Hari senin sudah bisalah pulang ya tante..?” harana tong halak jawa do keluarga ni umak nia i. Tarpaksa bahasa indonesia.
“ Cepat kali... sebelum nenek mendingan kita disini dulu, lagian kata kakak mobil dah disewakan, jadi ngapain lagi disana” alus nibujing nai dohot palan.

Ting, suara sms.
“ Mabia kabar ni abang?” pesan nisi pety, ula so diida ia sms i, migor dihapus ia. Padahal kenyataanna so tar agohon’ia. Mur leleng dimedan, mur tamba dut roha nia, got mulak sajo ma tapi pupu diolat tante nia i.

“ Maaf merepotkan..!!!” dosar-dosar tarottok nia maligi boru jawa i. Leleng diparhatehon ia anak boru i sampe lippot, boru jawa mangajar di SMP, kos dibagas ni tante nia i. “ Alah maharom..” senyum ia mangengot kejadian kotu-kotu i.

Pa ago-ago roha, pakkilalaan nia paccidungan nikaji doma mola got mulak tu pudi. Gabe di olo ia ma boru jawa on, jot-jot ma dipataru-taru ia tu sikola an. Tarlobi ditante nia i job rohana buse.

“ Iya, baik itu” tar senyum-senyum tante nia dohot oppung nia i. Ohom pe ia gabe tarpaluas ia do namartata i mola diarsak.

“ Sehat do alak aya ?”, “ sehat mang, sehat. Disi biado? Mabia lala nenekmu ?”. sambung tu sambung ma namarcaritoon. Tarsonggot buse ma halai, tar songon nater-ter’ma anak on, nirohana. Teb, migor mate telepon i. Tibo marlojongi halak dialaman i.

Tarbege ma andung-andung san bagas namar cet naratai, lopus i tar bege buse tabu lao boa-boa maninggal ayah nisi pety, papayak roha ma lala umak nisi holas, lek rohalai tu namasa i. Soni buse dohot aya nisiholas tarida diparluhuton laos manyumbayangkonna.

Lek tarengot ma aya nisiholas, 3 ari nalewat tiha gotong royong. Pura-pura ma ia maminjam garut ni aya nisiholas dalan marsipakkulingan. Leng ginjang ma carito nihalai, dohot halak naasing pe gabe job rohana mangida parkomburan i.
“ Rupo on ma hape boa-boa na” ni aya nisi holas mulak san kuburan’an.

Gabe pasonggip-songgipon ma halak nadohot jiarah maligin andung ni boru sisada-sadaon. Tarlobi namanja boru ni ayana dottong, makkadekdek ilu pambaenna. Bope maradong, tapi keluarga nihalak sipety ana dao-dao, murtamba lungun nirohana nadong got pangaduan be.

Lek sopercaya do siholas namasa i, marpupu disapai ia umak nia i. Adong rasa manyosal, tapi inda tepat dope manelepon ia sannari lek niroha nia, tapi ima dalanna lala ia manyunggul ate-ate dung mabugang, tamonong ia. Ias niroha namardongan gabe taraso do dilala ia haccit pakkilalaan nisi pety nuaeng. “ Biadoma on baya...?” marsapa roha nia dibagasan.

Mulai nasai inda dong be sms nisipety ro. Biasana bope naso dibalas ia lek disi do roha nia. Tung i dikabari ia ma dongan nia dihuta, mayapai kabar ni sipety.

“Nattuari dipuskesmas’an do huida” nidongan nai .

“ Nanajadi ia tong puang namarbagas i, onma bo namasai
maninggal ma uda i, ibo do roha da puang. Hubege kabarna got mulak doma halai tujakarta, rap tulang nia” .

“ Pala mulak maho, alap ia” tamba nidongan nai muse.

“ Dia be mungkin i” lek lungun do rohana mambege sipety got pinda. Nanajodoh biado baenon, sonon ma namangolui, mola lek adong kesempatan marsimaaf’an idoma dai, roha tu roha ma ia manjaha roha narundut on.

“ Inda jungada tombus namardongan i, on pe biama boru jawa on. Masonon harop roha nia” curhat tu dongan nia buse dung borngin ari. “ Bah puang, homada paboto-boto i”.

Mattak sani hira renggang ma ia dohot boru jawa, najelas sude. Ahama dokkonon nihalak i, pola huulaki sude, mola jodoh natudia i da Tuhanku, holasan ia pakaji-kaji nasip i. Mulak pe ia napala marpaboa ia.

Marpupu ditelepon ia, tapi inda diangkat sipety. Namar namattak ro dongan nisiholas, harana tong pergaulanna ana bahat, san huta holbung pe ro maligin ia.

Roha namarduka, inda tusi be roha nisipety. Fokus karejo dohot lelengan dibagas no ma ia, bope dung diboto ia mulak siholas. Tapi lek sapa ma roha nia, puluk ma siholas ro tubagasan. Tup, inda pola ginjang pakkataion namangido maaf doma siholas ro. Hapengan i harop rohana nagot palanjut holong do tarengot parrohaon ni umak nia dung mombun. Tibo mangeceti halai, siholas pajolohon paboa nagot lakka ma ia. Manetek ilu ni sipety mangarukkar sidangolon dilala ia, tapi inda pola kala roha dohot toppa toruk niroha do dibaen ia manarimona. “ ikhlas ma au abang i “ ima jawab nia manutup hobar nihalai i.

Mulak sani accit lala siholas andorai, manetek ilu nia pabege-bege bagas niholong ni sipety i. Natarpodom ia pambaen ni i. Pitte so dihobari ia tu ayah umak nia i, lek disoppatkon ia do manyapai mulak roha nisi pety. Nasadia honok lek dibalas attong,

“ Tarhirim au diharoromu nalau manjalang tanganki, bia isi nirohamu, ulang pola bunihon dijoloku. Pasada maroham hasian, inda manarik holong mulak tu au, ias niroakku do najadi gabe saksi. Boan sude dipangalaho naung tarpudun janji, Tujoloan na dibalut nian dohot DOA. Naikkon hangoluanku doho dibagas rohakku tapi inda di ngolu-ngoluku. Tiopma gomos siboru nunga dipillitmu naeng jadi hamu marripe hasonangon. Laos ro do au dipesta mi hasian, harop roha jalang ma tanganki hasian, jalang au di paninggalhon mon, asa takkas diboto roha , ulang jadi nipi namarnasuda”.

Holosan ia mambaca sms i. Taringot dinalaos berangkat tu medan, disapai umak nisi holas ma mulak. Tapi san jawab nia i mabulat mangalap boru jawa doma. Inda naso holong tapi inda jodoh ni siholas dohot takkas.

Rombongan godang do nagot mangalap boru i, tub ninna dohot si Pety dibagasan motor i. Madabu lala siHolas jantung i, ipaulak ia senyum i. O tuhanku nirohana, lopus sidung maradat lek diparborhat si pety si Holas. Gabe gogo rohana makkatai, hape holong i inda akkon narap, ias niroha do. “ Tarimokasih mada hasian” lek mangalusi san bagas roha nia.

Eng I eng.. Tamat.. Hahhaha

N/B : mola adong nasala baik dalam penulisan maido maaf tu saluhut na.