“ Maaf merepotkan..!!!” dosar-dosar tarottok nia maligi boru jawa i. Leleng diparhatehon ia anak boru i sampe lippot, boru jawa mangajar di SMP, kos dibagas ni tante nia i. “ Alah maharom..” senyum ia mangengot kejadian kotu-kotu i.
Pa ago-ago roha, pakkilalaan nia paccidungan nikaji doma mola got mulak tu pudi. Gabe di olo ia ma boru jawa on, jot-jot ma dipataru-taru ia tu sikola an. Tarlobi ditante nia i job rohana buse.
“ Iya, baik itu” tar senyum-senyum tante nia dohot oppung nia i. Ohom pe ia gabe tarpaluas ia do namartata i mola diarsak.
“ Sehat do alak aya ?”, “ sehat mang, sehat. Disi biado? Mabia lala nenekmu ?”. sambung tu sambung ma namarcaritoon. Tarsonggot buse ma halai, tar songon nater-ter’ma anak on, nirohana. Teb, migor mate telepon i. Tibo marlojongi halak dialaman i.
Tarbege ma andung-andung san bagas namar cet naratai, lopus i tar bege buse tabu lao boa-boa maninggal ayah nisi pety, papayak roha ma lala umak nisi holas, lek rohalai tu namasa i. Soni buse dohot aya nisiholas tarida diparluhuton laos manyumbayangkonna.
Lek tarengot ma aya nisiholas, 3 ari nalewat tiha gotong royong. Pura-pura ma ia maminjam garut ni aya nisiholas dalan marsipakkulingan. Leng ginjang ma carito nihalai, dohot halak naasing pe gabe job rohana mangida parkomburan i.
“ Rupo on ma hape boa-boa na” ni aya nisi holas mulak san kuburan’an.
Gabe pasonggip-songgipon ma halak nadohot jiarah maligin andung ni boru sisada-sadaon. Tarlobi namanja boru ni ayana dottong, makkadekdek ilu pambaenna. Bope maradong, tapi keluarga nihalak sipety ana dao-dao, murtamba lungun nirohana nadong got pangaduan be.
Lek sopercaya do siholas namasa i, marpupu disapai ia umak nia i. Adong rasa manyosal, tapi inda tepat dope manelepon ia sannari lek niroha nia, tapi ima dalanna lala ia manyunggul ate-ate dung mabugang, tamonong ia. Ias niroha namardongan gabe taraso do dilala ia haccit pakkilalaan nisi pety nuaeng. “ Biadoma on baya...?” marsapa roha nia dibagasan.
Mulai nasai inda dong be sms nisipety ro. Biasana bope naso dibalas ia lek disi do roha nia. Tung i dikabari ia ma dongan nia dihuta, mayapai kabar ni sipety.
“Nattuari dipuskesmas’an do huida” nidongan nai .
“ Nanajadi ia tong puang namarbagas i, onma bo namasai
maninggal ma uda i, ibo do roha da puang. Hubege kabarna got mulak doma halai tujakarta, rap tulang nia” .
