Poé Panungtung
Ku Leni Yunia Daswati
Liwat ti welasan taun katukang
Hujan leutik ngaririncik
Mangsa anjeun méré tangara
Sangkan kuring ngarti jeung Surti
Lalakon nu ku urang keur disorang
Moal manjang sumawona ngajadi
Majar takdir teu beunang dipungkir
Nu puguh mah anjeun nu jalir
Galura rasa jeroeun dada
Teu kawawa nandangan lara
Kapeurih lir digerihan hinis
Ngacak raga teu walakaya
Léngkah anjeun gilig tur pasti
Teu malir haté nu rajét
Basa wanci keur reupreupan
Horéng wanci poé panungtung
#pileuleuyan
#panungtunganurangtepung
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
Beri Komentar
Belum ada komentar. Jadilah yang pertama untuk memberikan komentar!