Bu Henih : “Loh? Berarti di sana tadi masih banyak yang ngantri dong Bu?”
Bu Nenden : “Lah banyak, Bu! Masih puluhan orang. Kayaknya lebih malah! Banyak nyang pade kecewa! Tau belon siap buat bikin pendaftaran ? ongleng gitu mendingan kagak useh maksain! Mendingan manual aje kayak nyang ude-ude!”
Bu Henih : "Online kalee maksudnyah, Bu Nenden... online!" Ralat Bu Henih lagi. Kali ini sambil siul (gimana caranya coba?? Ngga usah dibayangin! Buang-buang waktu aja!).
Bu Nenden : “Iyah, ntuh maksutnye! Jaman masih manual pan kagak ade ribed kayak gini! Bawa berkas, amplop kelar dah!” Sahut BuNenden kemudian berasap-asap (tadi kan udah berapi-api, jadi sekarang tinggal asapnya doang lah!).
Bu Hernih : “Aneh ya, Bu. Mestinya kan yang namanya online lebih memudahkan. Tapi ini kok kedengerannya malah ribet yah?!”
Bu Nenden : “Yah gitu deh, Bu Hernih. Berita ame wacananye aje nyang ngasih kesan gampang! Prakteknya pan beda! Udah gitu kagak semuanye melek AI-TI! Kalo cuman petunjuk doang kagak ade sosialisasinya mah sama aja bo’ong!”
Bu Hernih : “Berarti masih enakan jaman kita dulu yah, Bu?”
Bu Nenden : “Jauuuh bangad!”
Bu Hernih : “Lah trus nasibnya Odon gimana dong, Bu Nen? Besok baik lagi ngantri di Disdik?”
Bu Nenden : “Kagak ah! Males! Biarin besok keswasta aja lah! Gimane kek caranye. Ngemis-ngemis juga kagak ape-ape! Tetep kagak sebanding ame mesti pegel-pegel ngantri kayak tadi!”
Bu Nenih : “Yaah, sayang banget si Odon nggak dapet negri…”
