Bojone bisa nampa omongane sing lanang. Deweke ya wis tau aring nggone Yu Kartisem lan ngrasa angger Yu Kartisem kuwe wonge pancen apik kepenakan aring deweke lanang wadon. Deweke ya precaya sing lanang ora bakal mbaleni luput maning, senajan pancen ayune nini randa kuwe jan moblong-moblong pisan.
Nganti tekane sore kuwe. Bali sing sawahe Yu Kartisem, mertuwane wadon wis ngenteni. Kaswad dejagongna, deomehi entong bersih. Mertuwane krasa wirang anak mantune malah nggarap sawahe nini randa sing wis tau nggonjak luput. Kaya wong agi kencoten nggolet pangan ora idhep nggo grendengan dening liyan. Sing ngawaki oraha isin, sing dadi bapa biyung tetep kecipratan wirang. Kaswad kon liren, kudu liren. Kasab tah bodowa. Angger prelu ya jere kon ngode aring Jakarta apa ngendi nganah. Pokoke Kaswad dekramasi sore kuwe.
Kaswad ora semaur. Deweke ngreti ora bakalan mertuwane wadon kuwe ngrungokna semaure. Mung batine sing malah nyuwara, "Semakean kabeh jane yah..Pada semuci-suci temen kaya melu ngrengga butuhe liyan"
***
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
