Pantun Demen

Kemejan abang kanggo cendramata

Roti baya kanggo cangkingan 

Snajan kakang adoh neng mata

Tapi kaya ana neng sandingan 

Minyak nyong-nyong denggo Lik Sarmen

Wa Tarisah nganggone balsem 

Dasar enyong wis kadung demen

Snajan susah sing penting mesem 

Maring Pati nganggo kreta

Maring Bali numpak garuda 

Dasar ati wis bener cinta

Ora perduli randa mbuh duda 

 

Iwak bandeng bumbune sate

Laka erine akeh daginge 

Ora mandeng ireng kulite

Utamane kasih sayange 

Ali-ali ilang matane

Katon kroak kurang apike 

Ora perduli karo Bapane

Snajan galak sing penting anake 

Mangan sekoteng karo pacare

Mangan klanting karo mbokene 

Rupa ganteng sapira umure

Paling penting apik lakune 

Bumiayu terbang srakale

Jatibarang pabrik gulane 

Rupa ayu akeh tunggale

Kasih sayang laka padane 

Gawe roti rasa kacang

Gawe bolu rasane coklat 

Dasar ati wis ora sayang

Anak telu pengine pegat 

Tuku kentang wadahi kranjang

Tuku suruh dibrengkos godong 

Dasar lanang si mata kranjang

Ora kena weruh sing mlesnong 

Kolang-kaling olih tuku

Digawe mane kanggo manisan 

Yen bener koen seneng aku

Gagiyan mene aku pan pingsan 

Putih-putih kembang randu

Kembang mawar abang warnane 

Ati perih kegawak rindu

Kelingan pacar ayu rupane 

Siji loro telu papat

Lima enem pitu wolu 

Mas Toro pancen hebat

Adem-ayem bojone telu 

Awan-awan goreng bakwan anget

Bakwan dipangan karo lombok ijo 

Awan-awan katon kemringet

Bar papagan karo calon bojo 

Esuk maling, sore maling

Dasar maling tetep rekasa 

Esuk eling, sore eling

Sing dieling ora rumangsa 

Tuku dukuh wadahi kranjang

Balik mampir tuku bolu 

Ngakune lanang esih bujang

Jebule anake wis telu 

Imam Chumedi, KBC-28