Sikat-sikut, gasak-gesek
Krusak-krusuk, sogak-sogok
Ora urus kanca-batir
Ora perduli tangga sedulur
Salah kaprah malah dianggep lumrah
Wani pira?
Kocap kuwe sing dadi andalan
Kanggo mulusna pirang-pirang tujuan
Apa kaya kiye wis umume?
Akeh wong bodo ngaku pinter
Wong sing pinter malah dibodoni
Molak-malik akeh sandiwara
Monglah-manglih tingkahe menungsa
Kedholiman terus teka
Ngeresi utek nggoyangna keyakinan
Mancal syariat nerjang aturan
Nggeburna maring maksiat ora karu-karuan
Apa jagat pancen wis tua
Angel golet kebagusan
Gampang jimpang nemoni barang ala
Muga-muga Gusti Allah paring ampura
Imam Chumedi, KBC-28
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
