Kabar Dina Akhir

Tak kabari, lamon jagat wis tuwa

Tak kabari, lamon gunung wis nyiapna wangwa

Tak kabari, lamon jagat wis renteng

Tak kabari, lamon darat-laut wis ora anteng

Tak kabari, lamon mati sajerone umur

Tak kabari, lamon akeh sing ora pada syukur

Menungsa wis klalen karo Sing Kuasa

Menungsa wis akeh sing mentorang durhaka

Menungsa picek karo termelope dunya

Menungsa pancen menus-menus akeh dosa

Plaur ngurusi sedulur

Sing ana cuma rebutan dadi wong duwur

Plaur gelem sembur-uwur

Sing ana cuma tawur karo kawur

Jaman pancen wis akhir

Akeh sing pada ora mikir

Akhire pada kentir

Urice kocar-kacir 

Sebabe pada kurang dzikir

Jagat pancene wis tuwa

Akeh sing pada reka-reka

Bumi sangsaya blaruk ora ketara

Akeh sing pada kepleset ning rawa-rawa

Rawa syetan spesialis reka daya

Gawe sengsara uripe menugsa

Gawe adoh menungsa karo Sing Kuasa

Nyebar virus kanggo bibit neraka

Halal-haram dadi abu-abu

Sabroyot sadulur mara padu

Ora mertua ora mantu

Ora anak ora putu 

Kabeh-kabeh wis pada keliru

Ketemu neng dalan ora aru-aru

Sing katon cuma adu-adu

Cekelana iman karo islame

Cagak terus limang waktune

Aja gimir aja keder karo tanggane

Sing model-model lelaku ajarane

Eling emut karo Pengerane

Melu manut karo ulamane

Mesti bakal slamet sekabehane

Ya Salam...Ya Salam....

Ya Sala.....Salimna

Imam Chumedi, KBC-28