Satumpuk dunya wis nglanenna deweke
Pangkat sing duwur
Ndadekna ceng-cang ceng-ceng
Petingtang-petingting, pedigdag-pedigdig
Kaya wong sugih anyaranÂ
Tarno ora eling daratan
Tarno wis disulap dadi wong gedongan
Akeh duit dadi onggrongan
Umahe magrong-magrong
Mobile kinclong-kinclong
Duite pirang-pirang kantong
Ora kemuten, gemiyen dagang lontong
Tarno ora emut karo kanca lawas
Omongane saiki rosa tur akas
Balane karo bos-bos berkelas
Sing nggawane duit sa brangkas
Tarno saiki ganti aran
Ganti model ganti dandanan
Moles gaya ngrubah penampilan
Jarene karna tuntutan pegawean
Idihlah...man Tarno
Kaya ora kemutan karo sing nggeyong
Kaya ora weruh latare
Balik desa donge mbangun desa
Malah nggegerna desa
Gawe sensasi alesane silaturahmi
Pol-pole cuma kanggo populerisasi
Balik desa ora iya iyakha...
Sing ngiring mobil polisi
Wadon ayu direnteng-renteng
Mobil mewah kanggo kadiran
Rupane man Tarno wis kesurupan
Kesurupan belis metropolitan
Man Tarno wis ilang cirine
Man Tarno wis burak jeroane
Manglingi neng sekabehane
Utamane pekertine sing waktu kae
Man Tarno oh man Tarno
Kapan elinge, kapan sadare?
Apa ngenteni sampeyan lumpuh, struk
Terus nyadar, njaluk dopeni neng desa?
Naudzubillah, Aja Kosih man Tarno!
Imam Chumedi, KBC-28
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
