Buku: Adipati Kayu Bralit

Katalog Dalam Terbitan (KDT)

MUID, Khoeri Abdul

ADIPATI KAYU BRALIT [Crita Rakyat Pati]/oleh Khoeri Abdul Muid dan Sri Adi Harjono.Ed.1, Cet. 1---

Pati: Media Didaktik Indonesia, 2018.

vii, 78 hlm.; Uk:14x20 cm

ISBN 978-602-52113-3-1

1. Cerita Rakyat  I. Judul

812

Isine Buku: 

Bebuka...............................................................v

Isine Buku ........................................................vii

[01] Prangbakat Anak Kere ...................................1

[02] Pancadan Pati ...............................................7

[03] Rante Asmara Galuh Sekar ...........................14

[04] Nyuwita Demak ..........................................20

[05] Patih Udara Nesu ........................................26

[06] Wong Agung Jepara .....................................32

[07] Oncate Kaki Sawungwiring ...........................38

[08] Memanuki ingkang Garwa ............................44

[09] Pati Kagebag Demak ....................................50

[10] Adipati Kayu Bralit II ..................................56

[11] Trenggana lan Galuh Sekar............................62

[12] Pati-Demak ................................................ 68

Buku Rujukan

Biodata Penulis

Bebuka

            Sakehing puji konjuk dhumateng Gusti Ingkang Maha Kuwaos awit saking agenging kanugrahanipun, saengga buku Adipati Kayu Bralit [Crita Rakyat Pati] menika tumunten saget kababar saha dados waosan kagem panjenengan sami.

            Cariyos sejarah Adipati Kayu Bralit menika, ---saking perspektif sastra, mbok menawi kemawon kalebet  satunggiling pala karya pangentha-entha (fiksi). Ananging sinaosa makaten, pangentha-entha menika minangka tapsir saking bukti-bukti sejarah. Setting jaman sesambungan Pati-Majapahit lan Pati-Demak.

Mila kejawi kerta ajining sejarahipun, piweling ingkang kaaturaken dening panganggit ugi pantes dipunwigatosaken. Nun inggih piweling babagan kasetyan, katresnan, pangabdian tuwin maknaning katulusan (integritas).

Sasampunipun Majapahit dipun rebat Prabu Girindrawardhana Dyah Ranawijaya saking prajurit Demak, punjer paprentahan lajeng kapindhah ing Keling. Ewandene warangka praja kacepeng Patih Udara ingkang kapernah marasepuh piyambak. Tundhonipun Patih Udara ingkang nguwasani tata lakune paprentahan. Eman dene ala pambeganipun.

            Ewah-ewahan paprentahan ing Majapahit kala wau mahanani Adipati Menak Tunjungpura ing Pati dados bingung. Saya-saya sareng ingkang rayi, Raden Prangbakat ngajak ngayom marang Sultan Patah ing Demak. Temahane banjur dados sulaya. Kang pungkasanipun Raden Prangbakat dipunpitenah. Dipunsebat anak temonipun swargi Adipati Kayu Bralit, anak kere saka palabuhan Juwana. Saengga Raden Prangbakat rumaos lingsem lan sesidheman tilar praja.

Salajengipun?

Sumangga dipunsemak kemawon cariyos menika. Luwung kangge isen-isen sinambi kalaning nganggur. Ing wusana Pulo Seprapat sandhing Juwana, menawi lepat nyadhong aksama. Nuwun.

Panganggit