Pendhapa Pangurakan, karaton Ngayogyakarta Hadiningrat.
Randhat, amargi pikantuk wartanipun njeh nembe kemawon. Sonten menika kala istirahat wenten ndamelan, ujug-ujug hape nyuwanten ... wonten pesan singkat saking rama Darmaya : Caos kabar bilih sonten menika pamulangan nyerat lan maos aksara jawi sampun kawiwitan, mapan wenten Pendhapa Pangurakan sa-ler Alun-alun lor, kraton Jogja
Cekat-ceket, adus bebek - lajeng BABLAS bidhal dhateng Pangurakan.
Wonten papan iring kilen, ketingal sampun sami lenggah. Sami nyepeng buku lan ketingal regeng-gayeng.
Kula nate tumut pamulangan nyerat aksara Jawi ( ha na ca ra ka ) wonten sekolah, saking Dinas, LSM, ... Â ning, njeh nembe menika pikantuk guru ingkang sepuh sanget yuswanipun.
Nembe dugi dhateng Pendhapa Pangurakan :
"nJeh ingkang nembe kemawon dhateng, ... sampun saget maos aksara Jawi?"
"Saget, rama Kangjeng. Angger boten mawi pasangan, saget".
"Kudu di tes. Cobi dipun bikak halaman 7 ! "
Bhadalah...
(Maca saget lancar nadyan wonten tembung-tembung ingkang mboten mudheng...)
"Aksara Jawi boten wonten 'tanda-tanya' (tembung Jawinipun menapa njeh wau??).Â
Dados, maosipun kedah ngaten ..."
Woo, jebul wau menika soal bacaan 'percakapan', ta
#Asem kie, di'kempongi' simbah-simbah ta iki mau critane.
Â
Pamulangan kalajengaken kanthi regeng, kathah gojeg ...ning njeh mathuk :
- wis dadi ciri : neng nduwur lawang Jawa mesthi ana cecak.e ???
  (Apa iya? ... basan ngertos, woo njeh mila leres :D )
- Pitik siji karo pitik loro, WULUne akeh sing ndi???
  Wooo.... 'bul iya, kathah ingkang : pitik siji (wonten 4 wulu)
Nembe NGEH...
Saestu, tiyang-sepuh jaman rumiyin menika mila ... CERDAS-CERDAS !
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
