Puisi | Nimas, Gegondelane Atiku

• 
  

Mung iki sing iso tak tulis
wis nganti ke loro-loro
oleh kunandang tatu asmoro

seksine..

asmorodana lan megatruh isih ngelaras
mbuktiake...

yen sliramu..
ora bakal oncat soko luang atiku

oh...

nimas...

aku... ke loro-loro

tiwas janjimu tak ugemi!

wis kaping piro wae
awakmu mblenjani ?
ngerusak awan lan wengiku
buyarke... birune langit ning atiku?

janjimu...

wis dadi...
klirune aku ...

langit lembayung... muspro!

nganti sak prene wis aku jogo
kasucen asmoro 

karo putihe kasetiyaan...

ugo katresnan sing ora susut
malah nambah lan nambah endah

bebasan nyawang langit saga surup kae
ning watese cokrowolo
langit pancawarna
slendang mayang widodari ngurupke
kangen rinduku...

setio saklawase??

tetep endah..senajan surya wis dislimuti
syahdu wengi...

Nimas, gegondelane atiku...

Tegane atimu..

nyawang aku sing keronto-ronto

nandang jirete sih asmoro!