Alhamdu Lillah

Kasaurkeun dina syarah kitab Kifayatul `Awam, yen kecap "Alhamdu Lillah" anu hartosna sadaya puji milik Allah, ngandung kana opat jenis pujian.

Anu ka hiji nyaeta Qodimun li Qodimin,  hartosna mujina dzat anu Qodim, anu heubeul, nyaeta dzat Allah ka Mantenna.

Anu ka dua nyaeta Qodimun li haditsin,  hartosna mujina dzat Allah ka anu anyar nyaeta makhlukna.

Anu ka tilu nyaeta haditsun li qodimn, hartosna mujina makhluk ka Allah.

Anu ka opat nyaeta haditsun li haditsin, hartosna mujina makhluk ka makhluk deui. Mujina jalmi ka jalmi, mujina jalmi ka barang, jeung sajabina.

Tah eta sadaya puji anu opat, sadayana oge milik Allah. Milik dzat anu Qodim. Kumargi kitu, hayu urang sami-sami muji ka Allah, ulah hayang kapuji ku makhluk, upami aya anu muji, tong hilap, eta pujian, saestuna milik Allah.

Alhamdu lillah.