SUARA pemekaran selek rosa sawise persyaratan akademis sing tik kajian tim UNDIP Semarang rampung. Kesimpulane, enam kecamatan wis pantes dadi daerah otonomi baru (DOB) merga indikator-indikator penilaiane wis terpenuhi. Walhasil, wajar yen wong sing nunggu dadi bungah sumringah. Apamaning nungguni ora sataun rong taun, ibarate lagu cerbonan sampe kaya wong lagi nambang dawa.
Kajian ilmiah memang dadi syarat penting, kaya lawang pertama sadurunge mlebu mana-manane. Sampe olih penetapan sing pemrentah pusat melalui Kemendagri. Lah mana-manane sing gawe degdeg-pyar, sebab rupane sing masih antri nunggu proses "desentralisasi cilik" ning Indonesia wis atusan, kurang langkunge nganti 314 usulan DOB, mbuh provinsi atawa kabupaten/kota. Kemendagri, awit 2016 jawane lagi nglirena pemekaran, ana sing ngomong moratorium ana sing ngomong ditunda. Intine tah pada, pengusul 314 DOB kegerahen lagi nunggu semilire 'angine sorga'.
Mung mawon, akale olih tah olih, pemrentah wis gawe ancer-ancer tahun 2018 laka pengesahan DOB. Alesane, anggarane lagi difokusna nggo nggenjot sarana infrastruktur. Kemungkinan taun --taun sing pan teka tah bokan nyandak.
Kanda pemekaran ning Brebes sih priben? Kayonge tah masih terbuka lebar. Apa maning wis didesain ng pemrentah, toli ya wis ana manjing Prolegnas DPR RI. Abane, Jawa Tengah sing saiki jumlahe 35 kabupaten/kota, wis direncanakan bisa dadi 39 kabupaten/kota. Sing jelas jatah enam kecamatan ning Brebes, --yakue Kecamatan Tonjong, Bumiayu, Sirampog, Paguyangan, Bantarkawung karo Salem--, ujare hasil kajian akademis wis layak sesuai UU nomor 23 tahun 2014 tentang Pemerintah Daerah, Pasale 35. Syarat dasare kapasitas daerah sing dadi parametere geografi, demografi, keamanan, sosial politik, adat dan terdisi, potensi ekonomi, keuangan daerah dan kemampuan penyelenggaraan pemerintahan wis dianggep layak dadi DOB.
Masalah setuju ora setuju, adate wong Brebes jare budayawan Atmo Tan Sidik, "Gong Pecah Tinabuh", lah kue kan relatif, sing jelas normative wis moni. Kari-kari, lamon iyaha mekar, aja sampe dadi tukar.
Karo nunggu wayahe pemrentah pusat mbuka, ana waktu nggo mikir-mikir. Priben kepenake.. Sumonggo!!