Artikel HumorNaik Pamor Di Kompasiana
Wilujeng wengi!
Di tengah ‘sepina’ pangunjung kompasiana nu disababkeun ku sababaraha paktor, ayeuna artikel piksiana kakara naek pamor di kompasiana.Artikel piksi saperti carpon, puisi jeung bobodoran geus lumayan mindeng tampil di halaman utama alias HL, bari jeung prekwensina masih jarang katembong.Artikel bobodoran nu masuk HL nu sempet ku kuring dibaca nyaeta, tulisan bobodaran ti kompasioner M.Edy Sunarto alias Pak ANE jeung artikel bobodoran basa betawi meunang kompasioner Maria Umm.
Saprak Teh Usi Saba Kota, kompasioner Indonesia nu ngumbara di nagri “Mamang Sam” (Amerika) muka sayembara lomba nulis basa daerah, artikel bobodoran basa daerah karek muncul ditulis ku kompasioner ti Sabang tepi ka Merauke.
Kusabab kompasioner Usi Saba Kota nyieun sayembara tulisan basa daerah nu hadiahna saratus rebu dolar, nu matak sim kuring nu mata duitan ieu langsung nulis artikel basa daerah (Sunda) sabab sim kuring cicing di kawasan Bandung beulah kaler di lereng Gunung Tangkuban Parahu.Hadiahna lumayan saratus rebu dolar bisa keur meuli pulsa jang internetan jeung ngompasianana.
Sim kuring pribadi salila jadi kompasioner (sanajan masih munggaran), tulisan artikel bobodoranna geus lumayan loba tapi taya hiji hiji acan artikel bobodoran nu di HL ku admin.Nu lebet ka na HL malah artikel nu serieus nu judulna “Pahit Manis Menulis Artikel Humor”.Padahal aya nu ngalandih sim kuring kompasioner Si Menor (Menulis Humor). http://lifestyle.kompasiana.com/catatan/2015/03/04/pahit-manis-menulis-artikel-humor-727699.html
Nulis jeung maca artikel bobodoran sabenerna nyieun hirup urang jadi tambah bagja, cageur jeung panjang umur. Admin Kompasiana geus lumayan nyadiakeun tempat pikeun artikel humor di ieu media sanajan masih minim apresiasi.Nu matak urang rame-rame nulis artikel bobodoran nu sehat, henteu porno jeung jorang kusabab tulisan di media online teh lobanu macana jeung gancang nyebarna.
Ondangan Teh Usi pikeun nulis artikel basa daerah bener-bener nangtang.Jadi sim kuring nulis artikel ieu ge make basa daerah.Lamun kompasioner aya anu teu ngarti artikel ieu, kompasioner tiasa nyungkeun bantosan Teh Kiara atawa Aki Axtea.Lamun artikel ieu HL, engke ku sim kuring rek diterjemahkeun kana Basa Indonesia. Lamun artikel ieu rek diterjemahkeun ka nu basa sejen lianna, sapertos Basa Jepang jeung Jerman tiasa nyungkeun bantosan Mbak Weedy Khoseno atawa Mbak Gita. Atawa lamun rek diterjemahkeun ka na Basa Rusia, engke sim kuring bade nyungkeun bantosan ka Mbak Yuni Bues sobat sim kuring ti sastra Rusia. Tapi saena mah mun nulis di Kompasiana nganggo basa Indonesia wae, ku sabab nu paham artina bisa seuri ngabarakatak, sedengkeun nu teu ngarti mah ukur nyengir (seuri koneng) jiga kuda!Sharing jeung connecting na bisa teu nyambung!
Poe ieu kaping 15 Maret mangrupakeun poe terakhir pangdaftaran peserta lomba nulis. Muga muga tulisan “Artikel Humor Naik Pamor Di Kompasiana” ieu jadi juara 1 olimpiade basa daerah sakandang hayam. Engke mun artikel ieu juara, hadiahna bade sim kuring bagikeun kangge buruh para penerjemah!
Tapi kumaha mun admin kompasiana teu ngartieun eusi tulisan ieu?Oh tenang we, masih aya Kang Pepih nu tiasa ngajelaskeun eusi artikel ieu ka para admin anak buahna. Mudah-mudahan tulisan unik ieu meunang perhatian ti admin di minggu ceria ieu!
Salam Haneut!
