"Ulun biar sarak wan pian masih payu haja lagi balaki, ulun masih anum jua," ujar Ani bapandir di hadapan Amir, lakinya.
"Biar aku cerai dari kamu, masih laku bersuami, aku masih muda juga," kata Ani di depan suaminya, Amir.
Saingat Amir ucapan bininya nintu rancak banar kaluar matan muntungnya amun sarik ka Amir. Mandangar pamandiran nang kada nyaman di hati nintu, rasanya handak banar tangan Amir manapak muntung bininya, tagal ditahannya haja tarus, Amir badiam haja, sabar.
Seingat Amir perkataan istrinya itu sering sekali keluar dari mulutnya jika marah terhadap Amir. Mendengar perkataan yang tak enak di hati itu, rasanya ingin sekali tangan Amir menampar mulut istrinya, tapi ditahannya saja, Amir diam saja, sabar.
Sudah parak anam tahun Amir kawin wan Ani, baluman jua baisian anak. Babarapa kali Ani batianan tagal kaguguran tarus. Bulih jadi maraga kada baisian anak naya nang maulah bininya rusing di rumah kadada kawan. Alahan Amir kada tapi bagana di rumah, haur bagawi. Amir bulik ka rumah kamarian, imbah anu bisa malam.
Sudah hampir enam tahun Amir nikah dengan Ani, belum juga punya anak. Beberapa kali Ani hamil namun terus keguguran. Boleh jadi disebabkan tak memiliki anak ini yang membuat istrinya uring-uringan tak ada teman di rumah. Apalagi Amir jarang berada di rumah, sibuk berkerja. Amir pulang ke rumah pada sore hari, tak jarang pulang malam.
Tapi pinanya lainan maraga baluman baisi anak nang maulah bininya rancak baucap nang kada nyaman. Maraganya Amir rami dihabar akan urang higa mahiga rancak maudak binian di luar. Urang bapandir kada tarang-tarangan, bapandir kulisikan, tagal sampai jua ka bininya.
Namun agaknya bukan disebabkan belum memiliki anak yang membuat istrinya sering berkata-kata tak mengenakkan hati. Sebabnya Amir ramai digosipkan para tetangga sering main perempuan di luaran. Mereka bicara tak terang-terangan, bicara bisik-bisik, akhirnya sampai juga didengar istrinya.
"Pian kira pian haja kah kawa kaya itu, maudak binian ?" hinggur bininya.
"Kamu pikir cuma kamu saja yang bisa begitu, main perempuan ?" sentak istrinya.
"Nang maudak binian nintu siapa ?" Amir manyahut paragah kada tahu.
