Cerpen Sunda | Mang Dodo Jeung Wewengkon Gigireun Wakanda

"Anjaaayyyy!"  Mang Dodo reuwas ningali berita onlen nu eusina raray manehna kabeh.  Ampir we Mang Dodo tidagor kana mejik kom.

"Kunaon, bray?" Mang Nani nanya bari mukaan mejik kom, curiga euweuh sanguan.

"Ieu berita, naha eusina urang kabeh.  Tinggali tah, Nani, nepika berita kopit jeung resesi leungit ti peredaran."

Baca juga: Cerpen | Bayangan yang Memudar

"Alus apanan, berarti didinya teh masih sohor."

"Alus naon na, tingali heula.  Maenya urang ditawar-tawarkeun ku Si Jurig Beureum?" Ceuk Mang Dodo bari camedud.

"Bener-bener ieu mah, jurig siga jurig teh. Nganggep urang geus teu bisa najong bola deui tapi gaji hayang sagede gunung. Kalahkah bebeja ka wartawan, lain ngomong ka urang.  Pelanggaran pisan ieu mah, Nani!"  Mang Dodo kokosehan.

"Ah, sanguan weh heula atuh lah bray, eta mah ngan saukur gosip meureun."

"Beu, mun gosip, pasti urang geus di interpyu peni ros."

Mang Nani nyokot piring terus dipinuhan ku sangu beureum, lauk asin jambal roti ti basisir Karibia, jeung sambel Cibiuk.  Bari kekerecepan, Mang Nani ningalian berita tinu layar iPad-na.

Bener weh, siga nu diomongkeun Mang Dodo, eta layar geus pinuh ku raray Mang Dodo anu kasep siga aktor telenopela India eh Meksiko eehh Portugal ketang.

Mang Nani seuri na hate.  Klab mengbal na, 'Melbourne Mania' mun jelema pasti seuri oge ningali Mang Dodo nu kokolejetan.

Bari nyuruput ci enteh haneutna, sobat Mang Dodo ti zaman mengbal di Jurig Beureum Ngemyu eta macaan berita onlen hiji-hiji.

Napoli embung nyokot Mang Dodo da rek ngagedekeun usaha Es Krim nu judulna Napolinia jeung korsi baso.

Korsi baso| Dokpri

Salzburg oge embung da cenah mening dagang hamburger.  Ceuk dewan menejemen na, geus meunang tagline nu berima "Salzburg - Hamburggeeerrrr!!  Wareg tur segeeerrrr!!"

Mang Nani aneheun, ti iraha rasa hamburger teh seger.  Ooh meureun burgerna dibanjur ku cai soda nu kamari disingkahkeun ku Mang Dodo pas konprensi pers.

Mang Nani macaan deui berita di portal nu lain.  Aya berita ti Chelsea, tapi klab eta ge embung meuli mega bintang siga Mang Dodo da bayaranna mahal pisan.  Mening ge mroduksi permen weh saingan jeung kokoriko-kokoriki, modalna leutik tapi untungna gede.  Amis pisan.

Mang Nani "breath in-breath out" geus siga rek ngajuru kembar sairas sudah biasa a la upin-ipin.  Ternyata Mang Dodo teh geus euweuh peminatna.  

Sobatna ieu emang keur goreng adat jeung keur krisis paruh baya, percaya dirina luhur teuing ngalah-ngalahkeun Mia Khalifa eh Burj Khalifa.  Masih ngarasa kabeh klab bola hayang ngarekrut manehna.

Memang sih, Mang Dodo teh loba prestasina.  Rekening bank na ge geus salintuh ucing nu geus dikabiri.  Tapi sakituna, Mang Nani teh osok dijieun ngewa ku manehna, osok oge karunya ningali beungeut kasep Mang Dodo sabeulahan jeung pingping hayam ka-ep-ci na iklanna.

Mending ge siga urang atuh miluan sinentron "Kasep-Kasep Tazmania", bisa tebar pesona di sagala penjuru Ostralia. Kitu ceuk gerentes hate Mang Nani.

"Bantuan urang, Nan.  Kira-kira, klab mana nya nu teu rea ile teh?"  Beungeut Mang Dodo desperado tapi teu siga Antonio Banderas nu osok ngadodoho di pilem na Mamang Stalon.

"Urang ngewa pisan ka si Ngemyu teh, urang hayang ingkah lah ti dinya.  Rea keneh nu daek narima urang."  Ceuk Mang Dodo bari heuay.

"Euleuh-euleuh." Mang Nani gogodeg. Pikirna, teu insap-insap ieu jelema.  Geus nyaho kabeh nolak manehna, angger weh jumawa.  Bener-bener teu introspeksi diri.

Mang Nani nyaho, mun euweuh nu daek meuli Mang Dodo, terpaksa Si Jurig Beureum Ngemyu kudu manjangkeun kontrak meh teu bangkar.  Tah saeunggeus eta, Mang Dodo statusna bebas transper.  Rek ngunclungkuen maneh ka walungan ge terserah, kumaha dinya weh lah.

Ah, dari pados pusing, Mang Nani langsung mere ide nu edun tur edan.

"Kieu weh atuh, bray.  Mending maen di klab na Pa Dadang."

Mang Dodo kerung.

"Pa Dadang nu aya di laguna Mang Iyan Kasela? Pa Dadang...Pa Dadang... nu kitu, cuuuuu?"

Mang Nani barakatak seuri.

"Nyaaaa eta lah, pokokna Pa Dadang!"

"Tah, di ditu mah, pasti maneh teu rungsing deui, da klab ieu mah edun pisan. Rek maen di kandang atawa di luar kandang hese meunangna.  Ku kituna, maneh bisa jadi pahlawan, leuwih sohor ti ayeuna."  Mang Nani nyengir embe ... mbeeeee.....

"Naha bisa kitu?"  Mang Dodo.

"Teuing atuh, kurang sajen sigana eh kurang pamaen bal sahebring didinya."

"Tah di ditu, maneh teh pasti dimanja-manja, di awet-awet kunu bogana, moal ditawar-tawarkeun siga di Ngemyu. Cangcaya ka urang, Do!" Ceuk Mang Nani haqul yakin.

"Bayaran na?"

"Yeuh, Do.  Di ditu mah sagala gampang jeung loba nu harastisna, jadi tong ningali bayarannana.  Nu penting mah hate maneh pispul."

"Wah, maenya?" Mang Dodo katingalina kapincut ku narasi Mang Nani.

"Tah, Do.  Di teun Pa Dadang, kadahareun teh piwaregkeun da bahanna tinu aci kabeh, siga cimol, cilok, cireng, jeung ci-ci lainna.  Aci teaaa atuh melar dina beuteung, wareg abadi."

Panon Mang Dodo buricak-burinong.  

Mang Dodo teh sakitu beungharna tapi celit medit buntut kasiran, jadi resep nu murah meriah.

"Terus...terus?" Mang Dodo kuriyeus.

"Salain eta, ngan dahar samangkok baso, otosmastis sawareh dosa maneh bakal dihapus." Mang Nani masang beungeut alim bari istigfar. 

Baso Istigfar|sumber : ayobandung.com

"Mun didinya hayang ngojay teu kudu datang ka kolam renang atawa hotel, mahal."

"Naaaa kunaon kitu, aya nu murah?"

"Haratis, Do!  Jabaning bisa ngunclung jeung motor atawa mobilna, bisa icikibung di jalan bari jajan seblak.  Di mana deui aya nu kitu."

Ngojay di jalan|sumber : news.detik.com

"Waahh, hade, Nan!"

"Tah, maneh ge bisa parkir di mana wae, Do.  Di jalan protokol, jalan propinsi, jeung jalan tol.  Sajajalan eta tempat parkir kabeh, haratis!"

"Waduuuhh, edun, Nan!"  Mang Dodo katingali bungah.

Sumber : pikiranrakyat.com

Mang Nani hayang seuri tapi ditahan. Parkir haratis teh, kanyataanna jalan-jalan na hayoh weh macet make pisan.

"Hiji deui, Do.  Di tempatna Pa Dadang eta mah, maneh teh bisa momotoran sapopoe jeput bari abring-abringan.  Maneh bisa selebrasi gol tah make motor knalpot brong nu gaya teaaaa, kaditu-kadieu mamawa bendera Slank eh klab mengbal. Euweuh nu ngalarang. Bebas merdeka, geus siga di Gotham siti ngan euweuh Agan Bruce Wayne na."  Mang Nani ngabalieur.

"Wah, ngeunah atuh!"  Mang Dodo jadi sumanget opat lima.

"Urang hayang lah abus klab na Pa Dadang.  Di mana eta, Nan?

"Gigireun Wakandaaaaaaaa."

Mang Nani berecet lumpat bari mawa mejik kom jeung lauk asin jambal roti ti basisir Karibia.

**Wilujeng Wengi**

Kompasianival

Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H