"Anjaaayyyy!" Â Mang Dodo reuwas ningali berita onlen nu eusina raray manehna kabeh. Â Ampir we Mang Dodo tidagor kana mejik kom.
"Kunaon, bray?" Mang Nani nanya bari mukaan mejik kom, curiga euweuh sanguan.
"Ieu berita, naha eusina urang kabeh. Â Tinggali tah, Nani, nepika berita kopit jeung resesi leungit ti peredaran."
"Alus apanan, berarti didinya teh masih sohor."
"Alus naon na, tingali heula. Â Maenya urang ditawar-tawarkeun ku Si Jurig Beureum?" Ceuk Mang Dodo bari camedud.
"Bener-bener ieu mah, jurig siga jurig teh. Nganggep urang geus teu bisa najong bola deui tapi gaji hayang sagede gunung. Kalahkah bebeja ka wartawan, lain ngomong ka urang. Â Pelanggaran pisan ieu mah, Nani!" Â Mang Dodo kokosehan.
"Ah, sanguan weh heula atuh lah bray, eta mah ngan saukur gosip meureun."
"Beu, mun gosip, pasti urang geus di interpyu peni ros."
Mang Nani nyokot piring terus dipinuhan ku sangu beureum, lauk asin jambal roti ti basisir Karibia, jeung sambel Cibiuk. Â Bari kekerecepan, Mang Nani ningalian berita tinu layar iPad-na.
Bener weh, siga nu diomongkeun Mang Dodo, eta layar geus pinuh ku raray Mang Dodo anu kasep siga aktor telenopela India eh Meksiko eehh Portugal ketang.
