WAHYU MAKUTHARAMA KAWEDAR
Dene ati kersaning laku
Astha bratha, pangarsa kanthi rasa
Sinarengan tumuruning wahyu makutharama
Kang den jangka saka asipat nalendra
Bumi, kang sanityasa amaringi
Kadigdayan tanpa winates kadya bathara surya
Nora mban cindhe mban siladan
Kadasta asipat dahana
Lir kadya samudra kang amungkasi ilining banyu
Ngelmu kang jembar, sak jembar e cakrawala
Kudu bisa katampa, ing saindenging jagad
Kaya dene bayu kang ngempus pucuking cemara
Dadi cahyaning bulan  kang nrajang lingsiring wengi
Tansah mabyor mompyor, endah kang warni
Kadasta kartika ing angkasa
Pangarsa asipat astha brata
Rakyat makmur, negara njayeng bawana
Mangkana kawedhar wahyu makutharama
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
