"Ciloteh Palanta " Baralek Gadang

Tapi. .! Kan amak juo nan mangatoan, kito butuah dana untuak baralek Gadang.!?  Tanyo jo jawek da acong.

Bana..!!  Tapi kan lah di Cc an panitia alek,  sagalo biaya alek di pertangung jawab dek nan punyo alek.  Sampai sampai mangatoan Ado urang kayo nan manyumbang asa lai di tampek kini di adokan.  

Tau tau. Kini timbua katidiang,  ndak masalah..  dek amak faham,. Indak akan sapanuah e biaya alek di tangguang dek donatur tadi.  Tantu ado partisipasi kito sebagai nan baralek untuk mengalah pitih sebagai tambahan biaya alek.

Nah . ! Tambahan itu di cari ka urang patuik jo mungkin e . Ba cokok cokok maksud e .  "Lanjuik mak katik"

Bana mak. Dek itulah katidiang iko wak lari larian ka urang banyak.  "Sambuik Da acong"

Itu nan mambuek kisruah.  Dan itu pulo nan manimbuaan cungkia mancungkia di masalah baralek Gadang itu. "Sonsong mak katik capek" Dek maliek Da acong mancari cari pembenaran dari sikap inyo dlm hal katidiang.

Dengan muko nan indak faham akan kato mak katik.  Da acong mambolak balik catatan para penyumbang nan di hati ketek e bakato "bana" namun dek napasu maraso sebagai urang cadiak bakato "salah"

Ndak baitu doh mak.. nan awak tetap konsisten manjalankan katidiang ko, a juo beko cimeeh an urang , bia je lah.
Kecuali panitia alek malarang untuk di jalankan, baru wak baranti, jawek kato Da acong"  nan di bareng dgn isapan rokok nan di semba dari ajo Sidi.  

Berarti waang indak faham miakasukk amak nan di ateh.  Amak dan urang lapau patang. "Tidak ado malarang katidiang  (List sumbangan ) doh"  tapi di jalankan ka "patuik jo mungkin e" supayo jan buruak di liek urang lain. Nan barakibaik marusak namo panitia itu sendiri,  buruak namo panitia itu. Nan buruk namo kampuang kito.  Lai faham ang tu. !!  Sambuik mak katik nan lah mulai agak tinggi nada e .

Yo lah cong. .  Den kabengke Baruncun dulu.. lah salasai ko lah kuratangin tadi, "kato mak katik" sambia maetong balanjo di lapau dan sakalian malaluan Ajo sidi, Da acong urang nan duduak mandanga ota mak katik tadi..

Jan lupo beko tu sidi.! Kulah tadi.  Kok ndak bisa anak-anak.  Di upahan bagai ka urang. ?!