Cerita Minang "Yayasan " Bagian 3

CILOTEH PALANTA. "YAYASAN "
bagian ke 3  habis.

MAK KATIK nan duduak tanang jo isok an rokok nipah, hanyo ma elo angok nan indak sasak,  seakan akan menyiapkan kato nan arif untuak manjawek semua isu nan berkembang dek ulah ketidak suko an segelintir urang nan mamakai muluik Da acong sebagai corong.

 "Ehmm...  nyo iko ko mah. Sidi.! Sambuik mak katik nan mulai mambukak suaro untuak maluruihan isu nan sadang berkembang.  

 Ado ancak e dan Ado buruak e nan isu di sampaikan Oleh si acong.

 Buruak e, mambuek urang kalibuik dek e , tanpa di sadari urang tabaok harus dek isu nan di kembangkan taruih nan alun jaleh kebenaran e dan duduak masalah nan sabana e "lanjuik mak katik"  sambia Mamparelok latak kupiah nan teleang dek manakua dalam memahami apo nan di sampaikan ajo sidi jo pandangaran di satiok duduak di kadai kopi di Ranah nan mamakai falsafah syarak mandaki adat manurun.

 Syarak adolah kebenaran mutlak yang harus di sampaikan dengan sikap nan arif sarato bijaksana,  ibaraik ma elo rambuik dalam tapuang, nan rambuik jan putuih nan tapuang jan sampai taserak.

 Ancak e. . Mambuek urang mancari kebenaran sarato kelemahan Baa kok sampai Ado isu isu itu. Ibaraik asok, tantu ado api.  Nah.. urang akan mancari dima sumber api ko supayo bisa di pudua an. Dek karano asok nan lah mulai marasuak ka permukiman urang banyak.

  Babaliak kito ka pangka carito tadi sidi "Kajuik mak katik dek maliek Ajo sidi ka binguang dek indak faham Apo nan di sampaikan urang tuo kampuang itu..

 Yo mak..! Sambuik ajo sidi

 Ka di lanjuik indak.?  Tanyo mak katik

Lanjuik lah mak. Tantu mak katik nan faham Apo saban tajadi di yayasan kampuang kito ko, sambuik Ajo sidi sambia mamasan kopi ciek lai .

 Masalah yayasan nan di buka oleh si acong.  Dulu memang ado masalah miskomunikasi antaro pengurus dengan pengurus lainnya,  mangko timbua lah persoalan nan sampaikan oleh si acong ka urang banyak.  Itu dulu...  sambuang mak katik dengan gaya penekanan bahaso kalau masalah yayasan itu alah salasai.

Tapi..! Baa kok si acong ma angkek angkek juo masalah itu lai mak, sampai sampai batangka samo ni Yuih jo si jhon bagai .sampai-sampai ka mangaduan bagai ka pihak berwajib bagai cek e..!  "Sigi ajo sidi ka mak katik..

 Apo nan di laporkan e, Apo delik e,.?!  kan alah salasai,. Kito kan, lah tahu sia acong. Manga lo kito ka ambiak hati ateh karajo e nan suko ma uyah uyah kayu nan alah pasak.
 Sungguhpun takah itu nan si acong pangundaran dek kito,  guno e, untuak mangkoreksi karajo karajo pengurus di kampuang kito supayo labiah hati dalam masalah pitih.  Jawek mak katik agak malunak, pandangan e ka Da acong.  Tapi..! Jan balabiah labiahan dalam mangkritik urang, soal satiok urang itu punyo harga diri nan indak bisa di ukua jo pitih. "Lanjuik mak katik sambia manguyah rakik maco nan talatak di toples kadai si Eti.

 "Kalo awak maliek dek amak "?! Da acong ado urang di balakang e nan manyuruah.  Sambuik rang kadai sato manyolo ota mak katik samo Ajo sidi.

 Kecek sia lo tu..?  Jawek mak katik..

Indak.. analisa dan pandapek urang ma ota di siko , mak.!  Jawek si eti senyum agak di pasoan takuik ka kanai berang dek mak katik,  Soal e, urang kan. ka pemilihan wali nagari, dan kaba kaba e banyak di jajaran kepengurusan yayasan itu, ka sato mancalon jadi wali nagari.  Mangko e Da acong di suruah urang untuak ma angek angek an baliak carito nan lamo.  Itu nan wak danga Dari urang nan Maota do siko lah bara hari ko mak  :sambuang si Eti sambia maliek ka ajo katik,  nan ajp indak faham a mukasuik caliak si rang kadai itu ka inyo.. nan ajo sidi tahu.  Si acong itu alah mangacau kampuang dgn isu isu nan tidak jaleh..

 Eti..!  Itu bisa jadi bisa indak. Dan ciek jan tabiaso ma hubuang hubungkan ciek masalah la masalah lain. Iko indak akan menyelesaikan masalah,  
 Memang iyo,! setiap permasalahan itu tidak bisa berdiri sendiri. Ado sabab, tapi dalam persoalan isu nan di angkek si acong, manuruik amak adolah dari kurangnya tranfaransi dalam mengolola punyo urang banyak.  Dan kurang nyo sosialisasi ka urang banyak Tentang keputusan nan di ambiak dalam mamutuihan masalah.  Amak sato tu mah manyalasaian masalah yayasan kampuang kito tu.

"Nan barutang lah di bayia, nan tapakai lah di ganti, nan maminjam alah pulo di baliak an."

 Dan itu.. lah bakali kali amak sampaikan ka si jhon sebagai ketua yayasan kampuang.  
Tolong di sampaikan ka urang banyak. Jan sampai Ado "umah siap tokok babunyi " sambuang mak katik santai dek lah dari dulu beliau alah memprediksi akan terjadi isu isu nan takah Iko. Apo bilo suruah takah e indak di lakukan.  
 "Dan kenyataan e itu lah tajadi kini. Sahinggo tajadi hiruak pikuak di kampuang ko.  Lanjuik mak katik sambia ma abihan kopi maurak duduak dek wakatu Ashar lah ampia masuak.

Poto suasana sore di kampuang/dokpri

"Bilo anak anak mangaji Sidi. !? Kajuik an mak katik ka ajo sidi nan agak kurang manangkok Apo nan di sampaikan urang tuo kampuang itu.

Alun tahu lai mak.! Maliek maikuik mulai anak anak sakolah lah. Jawek ajo sidi nan ba asua ansua pulo ka surau untuak azan Ashar nan lah ampia masuak..

Eti...!  Kok Ado si acong kamari, suruah e manamui amak di surau dih.. Sorak mak katik sambia mairiang kuretangin tuo manunju labuah.

Habih..  Kito tunggu judul nan lain..

Catatan..

Semua nama dalam ciloteh palanta adalah sebuah lakon dalam cerita  dan Apo bilo ada kesamaan nama itu hanya secara kebetulan. (Mm)