Cerita Minang "Yayasan" Bagian 2

CILOTEH PALANTA. "YAYASAN " bagian ke 2

Oleh : malin manangguang

ADO NAMPAK si acong tadi ti? (Eti) tanyo mal katik dari ateh kuratangin (sepeda) nan lansam mereang sambia mancari tampek managak an kuratangin Rely nan lah mulai di makan usia.

 tadi lai mak. ! Tapi. kini nyo lah kalua..!

Jawek  si Eti sambia meliek ka ajo sidi nan duduak agak manyuduik ma hadok ka Tivi.  

 Dari ma mak.?

 Assalamualaikum. .!!

Waalaikumsalam. .! Jawek sarentak urang di kadai ndak katingalan ajo sidi nan takajuik dek suaro salam mak katik,
sambia mancari bangku nan kuek dan sangajo alun manjawek tanyo si eti, mak katik lansuang ma masan kopi ka urang kadai.

Dari ma mak? Tanyo si eti baliak sairiang malatak an kopi mak katik jo ma lap jo mambasiahan meja.

 Dari surau. ! Jawek mak katik

Kalua Kama si acong tadi.?  

Antah Kama ko lah. .   tadi. Di basuah e dek mak lenggang. Jawek si eti sambia mamparhatikan rauik wajah urang tuo kampuang nan sangaik di sagani itu.

Mak katik.  adolah urang tuo nan sangaik sederhana, sifat arif dalam melihat persoalan kampuang, manjadi pakaian mak katik dan selalu bijaksana dalam meletakkan sesuatu.

 "Di basuah e baa dek lenggang,?

Tadanga dek awak, yayasan a tadi tu! Jawek si eti barinsuik tagak dek ado urang ka mambali katupek, .

'Pakaro yayasan kampuang kito mak. Sambuik ajo baranjak duduak sambia mambaok kopi nan tingga satangah.

Eh.. waang sidi. Lah lamo tibo, dima duduak tadi ?

Alah..!  Jawek ajo sidi

"Pakaro yayasan kampuang kito, nan ketua e kamanakan mak lenggang, si jhon.' Sambuang ajo sidi yang seakan mandapek angin untuak manampuang raso indak senang  ka Da acong nan salalu mancukia jo mangiring opini nan buruak tentang yayasan nan di pimpinan oleh mantan pengusaha rantau jakarta nan tapuruak sajak pandemi mawabah.

 

Poto ilustrasi dokpri

Ooh..  gumam mak katik sayuik sayuik sampai, dek daguik kopi sadang tibo di karongkongan.

 "A ko lah guno dek si acong mancukia cukia nan ampia di satiok duduak itu je ota e ,  sambuang ajo sidi seakan akan ma agiah laporan ka urang sederhana itu.

 Itupun lah di jawek urang bakali kali, malah batangka samo ni Yuih sahinggo indak talok ka lapau e lai.

 Di tanyo urang bukti e,  indak lo bisa manjalehan, nan inyo basitegang jo kaba kaba urang nan indak sanang jo kepengurusan yayasan tu. "Sambuang ajo sidi malapehan apo na tasangkuik di kapalo tantang cukia mancukia Da acong,,  dek karano satiok ajo sidi sato. Nan jurus da acong kalua.. "Aniang je lah ajo. A nan tantu dek ajo! Anak mangaji se uruih, iko urusan urang basikolah ".

Di siko lah kesempatan dek ajo sidi mangaluan Apo nan tasangkuik di kapalo e. Kapalo mak katik.

Mak katik nan duduak tanang jo isok an rokok nipah, hanyo ma elo angok nan indak sasak,  seakan akan menyiapkan kato nan arif untuak manjawek semua isu nan berkembang dek ulah ketidak suko an segelintir urang nan mamakai muluik Da acong sebagai corong.

 "Ehmm...  nyo iko ko mah. Sidi.! Sambuik mak katik nan mulai mambukak suaro untuak maluruihan isu nan sadang berkembang.  

Basambuang. .