Cerita Minang Palanta "Yayasan"

CILOTEH PALANTA. "YAYASAN " bagian 1

"DARI TABUIK sampai ka tranfaransi pitih masuak kalua di yayasan kampuang nan menjadi topik hangat di ota kadai kopi Eti dalam babara hari ko.
Da acong yang selalu menjadi narasumber (awa pambukak carito ) mamanciang mak lenggang nan sadang mahiruik kopi duduak di ujuang palanta  untuak berkomentar Apo nan di angkek oleh Da acong.

 " nyo iko deang mah cong, carito nan ang sampaikan itu kan alun tantu kebenarannyo lai, hanyo kaba salinteh dari muluik ka muluik, antah iyo antah indak.  Sambuik mak lenggang sambia Mamparelok duduak dek bangku si Eti nan lah mulai oyoh.

Tapi.! Kok kaba dari muluik ka muluik bana, kan manjadi perbincangan urang banyak mak..  jawek Da acong capek takuik isu nan di lempar e ka urang banyak manjadi buyar dek kato kaba dari muluik ka muluik.

 "Bana! Tapi kan indak badasar,  dasar e hanyo dari kecurigaan nan waang gadang gadangkan dima duduak". Jawek mak lenggang nan mulai agak kareh ka Da acong, dek inyo salamo ko tahu sia Da acong dan Apo nan manjadi sipaik e.  
 
  kini takah Iko se cong.!  Amak pun tahu setek banyak e adaik di jaman kini, dan amak pun hiduik di banyak jaman.

 "Jaman kini tantu babeda jo jaman amak dulu yang selalu berprasangka baik terhadap urang lain, Apo lai terhadap pengurus kampuang, tapi babeda jo kini, nan mamakai azas praduga, iko nan manjadi landasan kebebasan urang untuak mangecek di palanta dalam maliek persoalan.  Apo lai manyangkuik masalah pitih. Nan ang giriang di satiok kadai kopi, indak di tampek si Eti sajo nampak dek amak , sambuang mak katik nan mulai menguasai pembicaraan dek yakin Da acong hanyo sebagai pengiring carito dan tidak punyo bukti untuak isu manyakuik malah yayasan kampuang Nam di kelola oleh si jhon kamanakan dek mak lenggang.  

 " Kini. kalau wa ang Ado bukti, ado permainan pitih di yayasan kampuang kito. Bisa ang tunjuak an di wakatu Rapek,"?

Suasana palanta, dok. pribadi

 Dima lo ka bisa manunjuak dek amak.! Bantanyo jo maminta data se ndak abih, mailak ilak ciek surang ,  "jawek Da acong nan mulai ndak nyaman ma ota isu tentang pitih yayasan, dek mak lenggang indak sajalan jo Da acong.  

"Dek kamanakan e tantu iyo " gumam Da acong dalam hati sambia mahiruik kopi nan tingga saketek, hampia dadak kopi nan tahiruik.