Buluih (Cerita Minang)

"BULUIH"

"TASENGEANG galak da Acong dek maliek urang rantau banyak nan pulang,,
 Sambia basiua ketek ketek da Acong pai ka lapau si Eti ... kopi ciek Ti..! sonsong da Acong alun ta acah pingua di tampek duduak...  
 Duduak gai lah da Acong ,, sambuik si Eti , dek maluek da Acong takuik ka buluih .

  Dih jo okok samsu sakalian Ti . Jawek da Acong dek maliek si Jhon ( urang rantau pulang) nan ado nan ka mambayiaan..

 ^okok lo dek uda . Sambuik si eti sambia malatak an kopi .. tu yo okok den abih lo ahh..
 
  " bilo ang pulang jhon ..??   Sorak an da Acong ka jhon nan asik ma ota sambia manakua mamainkan hp ..

 Eh . .. da Acong .. patang da..., jawek si jhon sambia mambasoan da Acong ...  iyo nampak dek den patang oto baru tagak di muko umah rang gaek .. hati den lah badatak juo .. pasti waang nan pulang ko.. sambuik da Acong .  . He he he.. oto rental  jawek si jhon dgn gaya marandah e.

  Baa kaba da Acong lai sehat sehat seh ... ? . . Takah ko ko nyeh sambuik da Acong sambia maisok okok nan di mintak tadi....  
  Si Malin lai pulang e jhon ..? Baa kaba e ko lah .. ndak ado nyo maneloon nelpon den doh lai..  ?!! ..
 Kana da Acong di telpon e ...! si Eti nan manjawek sambia ma lap meja nan taserak dek maliek si jhon nan asik mamainkan hp di tangan ..
 "Antah baa ko lah awak jauah lo rantau jo inyo da .,, jawek si jhon acuah tak acuah...

   " joo.... ajo sidii... singgah lah dulu .. sorak an si Eti maliek Ajo sidi malinteh sambia menenteang map ... ehmm ...assalamualaikum ...
Waalaikumsalam ..sambuik urang lapau sarentak ..

 Dari ma jo ma angkuik map bana  .,? Tanyo si Eti sambia maliek map di tangan Ajo sidi .. "iko ahh profosal nan kito rapek sabalun puaso alun juo bajalanan lai... jawek Ajo sidi sambia manyalam urang ciek ciek .. . Ahh lai pulang ang mah jhon ..! Tasangkuik tangan ajo sidi di sinan lupo manyalam da Acong .. he he he.. "Lai jo ,,  jawek si jhon...

 "Kan lah bajalanan di sapanga puaso patang jo,  sauik da acong mamanciang ajo Sidi maengong ... ehh waang Cong .. lai ado ang di siko mah..  sambia maengong ka kida di suduik meja tampek da Acong duduak... agak manyaringik da Acong manjawek jo maulang  kato ka ajo Sidi .. " sapanga puaso kan lai bajalanan nyeh mah urang se nan ndak ado ma agiah... "" .
  "Iyo kan tamasuak waang nan manjalanan , baleh ajo Sidi singkek....

  "Jo sia gai ang pulang jhon ,,? Tanyo ajo sidi sangajo mamutuih an badebab jo da Acong...
 "
   Batigo jo kawan jo.. nan kawan pulang ka umah e  ,  jawek si jhon sambia galak galak senyum jo hp nan di pacik e...
 oo..... adiak ang ndak pulang...??  "Indak nyo manunggu kadai"  
 "Sabalun puaso patang ang pulang ndak ,? sasak ajo Sidi bia nak tapanciang si jhon ma ota...he he he he... . ( tadi da Acong mananyoan oto rental..ha ha ha ha)
 "Iyo jo . Tapi sabanta nyeh  pulang jo pesawat , ko dek kawan ko mah .. dek inyo ka pulang lo sambia malala .. tapaso lah wak pulang jo oto.. oto nan ciek lai di pakai e dek adiak .. jawek si jhon sambia tagak maambiak cas hp dek batre e low...   "iyo sari tu gaek ang manyabuik ka aden baso ang pulang ,  apo galeh di rantau kini jhon .. sosong capek ajo Sidi takuik di semba e dek da Acong dan si jhon lah mulai amuah bacarito.. ha ha ha ha..

 "Ndak ado jo.. galeh ketek je .. mangaleh ameh .. jawek si jhon sambia mahiruik okok elektrik ( gaya urang sukses)  ..
 
Uukkh ... kasadak an ajo Sidi dek mandanga galeh ketek ketek tapi galeh ameh... dek jan nampak bana capek capek ajo sidi maengong sambia mintak kopi ka si Eti.. " kopi ciek ti""  alun kopi kopi ajo tadi lai jawek si Eti dek arih . Sambia manyidia si john nan indak mambasoan ajo Sidi... he he he he...

  "ciek adiak nan manungu nan ciek lai anak buah .. nan awak macaliak caliakan se nyeh .. sambuang si jhon jo logat bagaya gaya an... " ooo... yo hebat ang jhon yeh .. patuik lah patang den basobok jo mamak ang di lapau si roih itu nan di caritoan nyo tadanga dek den.. sambuik ajo Sidi nak manyanangan hati si jhon .( antah iyo basobok antah indak jo mamak si jhon.. hahahhah)..
 
  "Ah.. si Malin ado sobok dek ang di jawa...? Sambuang ajo Sidi barusaho jan sampai maninggi bana carito si jhon di parantauan ...  " ndak do sobok jo awak doh jo .. awak dek sibuk acok di mall se , apo lai wak sadang marehap ruko nan baru babali lpatang ko ... jawek si jhon bantuak mambanggak an kayo e ka urang lapau... he he he he... .

  Tapaso lah ajo Sudi ma o an se .. ndak tantu apo nan ka di kecek an nyo doh lai.... ( ampia muntah da Acong mandangaan ) ha ha h ah.......

  Jo.... jadi baa profosal/list nan ajo baok tu ... sorak an da Acong ...  lah iyo ...ampia den lupo den ang cong..... dek taparangah carito si jhon santa ko ah.... sambuik ajo Sidi sambia bagarah....

  "Iko dek si jhon mah .( agak manih bahaso ajo sidi asa lai galeh ka laku.).. sabalun puaso kami kan rapek di balai pemuda untuak menyikapi ide si Malin dalam mananamkan raso peduli akan kampuang nan salamo ko ampia 15 tahun hilang , mungkin dek lah tuntutan jaman,,  antah a lo ko lah" nan jaleh pegeseran itu alah samo kito rasokan.... kato ajo Sidi dek maliek si jhon manyiringik serius mandanga antah lai faham antah indak.... he he he he...

Poto penulis dalam perjalanan pulang kampung (Dokpri)

  "Apo lai samanjak 5 tahun terakhir masyarakat di kampuang kito lah batumpu ka angaran pemerintah dalam hal iko nagari ( dek angaran pertahun 1 milyar.... gadang mahhh,,"   owaikkk..).

 Sahingo kito hilang raso kebersamaan dalam mambangun kampuang nan biaso dulu di lakukan ampia satiok tahun saat urang rantau pulang .. di sinan lah kito mancari dana .... kan lai takana dek si jhon wakatu ketek ketek acara pemuda sabulan panuah dan malam puncak e malam dana ...???   ..

" lai jo,,"  sahuik si jhon sambia tagak dek hp badariang ...  lanjuik jo sahuik si jon ka ajo sidi.."
 
  Baa cong awak je malanjuik an ko . Dek maliek da Acong manakua se .. ( manakua dek utang banyak samo si Eti mah.. antah lai ka di bayia an si jhon antah indak ... he he he .)

  He he .. lanjuik an lah jo .. kan ajo,, nan kok awak lo manyambuang jangga lo potongan nyo...!  adih monah . Sambuik ajo sidi...  

 "Singan mah tadi tu Ti.... ? . Semba ajo sidi ka si Eti  .. singan ba band mah jo .. sauik si eti sambia mambaliak an pitih urang nan baransua ransua baranjak dari lapau  ..  . ( patuik lah manakua se da Acong nyeh ha ha ha ha) .

  "Oh iyo ... ba band yeh ... jadi dek si jhon di jaman itu kito kompak dan raso memiliki akan kampuang sangaik tinggi .dek sabab kito nan mambangun.. kini cubo lah si jhon caliak ... lah serba proyek je sado alah alah e.. nan gotong royong lah mulai abih...dek nagari indak masyarakat nan mambangun tapi pamerintah ..  

Dek itu kami ateh ide dan sapakaik kito basamo dan barusaho balambek lambek, apo sajo nan bisa kito baliak an ka nagari/masyarakat ...
 "kato ajo sidi sambia mambukak map nan di latak an e di meja .." bak cando sales menawarkan galeh e ka toko.. .

  " jadi inti e apo tu jo. Sambuik si jhon mungkin lah faham akan mukasuik ajo sidi... he he he he...

  "Nah pertanyaan itu nan sabana e nan ambo tunggu mah jhon... inti e iko dek si jhon mah....  baa cong aden se manyampai an ko....?? .. sampai an je la jo .. sahuik da Acong ... indak maengong saketek se..... ( dek tabayang ka batangka jo si rang kadai mah... he he h ehe  )

  "inti e iko mah jhon...  dek sapakqi kito basamo .. kito ka mancari dana untuak pambangunan nan tahun patang terbengkalai ...  jadi mak katik . Wali kotong dan urang tuo nan lain alah ma isi , tamasuak pemuda nan di kampuang.. "  sambuang ajo Sidi sambia maliek an list .. ado nan manyumbang sajuta sampai saratuih ribu ... kato ajo Sidi baharok si jhon labiah dari itu dek karano urang rantau ( nan carito mamak jo gaek e kini lah sukses..) ..

  " ooo.. itu  . Jadi mukasuik ajo sumbangan ko yeh... sambuik si jhon sambia mahelo angok ... he he he he.. .

  Ehmm... baa ka manyabuik an nyo ka ajo yeh...!!  Iko mah jo ahh... awak dek banyak pangaluaran lo abih rayo ko ah.. kan wak sabuik ka ajo tadi .. awak sadang marehab ruko nan babali sabalun puaso .. sambuang si jhon takah mambangak an kayo e di parantauan...  pitih kontang nan tabaok lah sasuai planing awak lo ah... soal e isuak awak ado REUNI jo lawan kawan .. . sambuang si jhon baliak sambia mangaruak saku mangaluan pitih kateh saratuih duo alai ...

  "Iko ado e nyeh  jo ah.. bisuak lah kok pulang wak sakali lai wak labiah an .. kato si jhon sambia ma oncongan pitih ka ajo sidi... alhamdulillah  lai tu mah jhon jawek ajo sidi sambia manulih angko pitih sumbangan si jhon ...  .
 
  Nan si jhon di caliak e juo garik tangan ajo sidi dalam manulih... . Nan itu sia tu jo ..? tanyo si jhon dek ado namo nan ganjia nampak .. ..  oooh.. itu .. mamak si jhon mah.. jawek ajo sidi .. kalo mamak si jjon kp ndak kurang gai pado sajuta biaso ko doh jhon  .. sambuang ajo sidi .. mamotivasi si jhon bia nak samo lo jo mamak...  
 Kini se ko nyeh dek ekonomi e sasang sayuik nan tabek e banyak nan indak jadi .. kok dulu manga nyeh tau se lah si jhon ,  sambuang ajo sidi baliak sambia mangamehan map jo pena....    

  "Bara balanjo tu Ti sahuik ajo sidi ka baranjak dari lapau dek misi alah salasai sunguah pun dgn hasil kurang memuaskan..( ha ha ha ha h)  

 Apo dek ajo tu .. jawek si eti ... kopi dek den nyeh ... si jhon baso ajo sidi ka jhon nan sadang manakua mamainkan hp ancak e... .  ( kecek si jhon he he he he ) .
 Ndak bia lah jo ajo se lah .. jawek  si jhon .... (ha ha ha ha ha .. ) ..

  "Ndak bia lah sakalian ko ah sambia mangaluan dompet mato ajo sidi malewa ka urang nan duduak ...  ndak sakalian je lah sado e ti . Sambuang ajo sidi .. dek maliek si jhon indak babaso setek juo... ha ha ha ha...  da Acong masuak lo ..!sambuik si Eti ... dek namo e di sabuik si eti .. takajuik da Acong ...  ndak usah ti .. ndak usah ti .. sasak da Acong ...
 Owaiikk  .... babaso lo yeh .. jawek si Eti sambia mangencongan bibia e..   masuak je lah Ti sasak ajo sidi dek hati lah mulai paneh ..  dek mandanga puok si jhon .. nan kayo e di carito an e.. nan alumni/reuni bagai ...  nan baso  indak juo doh...h ehe he he ..
  Dek da Acong a tadi ko.. tanyo si Eti ...  awak ndak usak lai tu.. awak banyak tadi ah.. jawek da Acong sambia ma isok okok nan dari tadi cando corobong kareta api....  

  Yo lah kok amuah e . Nan lain se lah ti ... " .

  Lapan puluah limo  sadoe jo sambia manunjuak , ciek ciek a nan di makan urang ...  
 Lah masuk si jhon jawek ajo sidi ..?  Alun lai jo..... masuak lah sakali jawek ajo sidi..
 
  Dek si Eti aso ndak ka mungkin aso e doh .. urang kampuang lo nan mambayian urang rantau...  nyo pura oura batanyo lo ka si jhon... da jhon apo tambah e salain kopi jo okok tanyo si Eti.   Eh.. . Babayian lo wak... yo lah .. awak okok kopi indomi tadi ciek .. tambah rakik udang limo .. puak parancih tigo.. tu kue bolu yu ah.. ( owaikk banyak upo e... ha ha ha ha.. )

   "Satuih mo puluah tambah e dari lapan puluah tadi... jadi duo atuih tigo puluah jo ... kato si Eti sambia ma ampia ka ajo sidi nan lah siap jo dompet e.  

 " yo lah sambia ma ambiak pitih nan tasuruak di salek salek dompet ... ( ha ha ha ha. Dek ulah ma antaan raso mah tabingkuak adih e..) .

   "Ko eti ah .. oncongan ajo sidi ... " kana lo ajo bayia e .. paja tu ndak mangarati bagai jo kiyeh dek ajo tu doh .bisiak si Eti agak barek manarimo pitih ajo sidi dek si eti ko tau bana dari ma ajo sidi dapek pitih.. kati e lah.. jawek ajo sidi sambia kalua jo map di kapik ka kiak  . ..  lah jhon den pai lua ah .. kok bilo ang ka rantau salam ka si Malin dih .. sorak an ajo sidi dek nan lah ampia tibo di janjang lapau ... insyaAllah jo jawek si jhon ndak maengong setek juo dek asik chating jo kawan .... .

  "Tingga lah da Acong , si jhon  jo urang nan duduak sambia mangopi... nan da Acong lah rusuah .. rusuah dek alamaik ka di buransang e lo dek si Eti ha ha ha ha.... ..  .. ..

 
   Ondehhh... kaset abih sanak ahhh.... singan tu dulu carito e..   isuak lo di sambuang liak .. lah tabayang tu mah bara ka berang dan mamburansang  e si Eti ka da Acong..

He he he he he ....