NTT Berduka Maluku Seng Buta

Dari atas bumi raja-raja
katong samua angka suara
angka doa par antua diatas
dengar kabar  basudara  dong disana kanal musiba
katong hati ancor panggal-panggal

katong cuman bisa lia dari layar HP deng TV
air mangamu kiri kanang
angka rumah, oto, deng nyawa
balari iko akang pung suka
biar berita duka NTT
hilang terdengar di TV-TV lantaran berita resepsi selebriti
dibahas sana sini
tapi dalam sepi katong masih tetap dengar
 basudara dong suara jeritan dan air mata

basudara disana ada manangis
aer mata su bacampor deng air hujan
sio basudara  e e ee
akang aer su biking ilang banya
nyawa-nyawa dapa bawa deng arus
rumah-rumah dapa tarek deng arus

basudara dong berduka
katong jua terluka
jang taku basudara
katong ada
par baku bantu
lap aer mata

baku bantu kasi kuat
baku bantu deng doa
basudara berduka katong seng buta
NTT luka Maluku jua rasa
karna katong basudara
katong satu Melanesia
katong satu Indonesia
NTT berduka Maluku seng buta
jang taku basudara katong tetap bantu
katong slalu topang deng doa
semoga bencana ini segera berlalu