Hening beberapa saat, tiba-tiba Kai Fandi berujar, "Eh, Rul. Ikam tahu lah kalau kita kawa lihat urang itu pendatang hanyar atau kada."
"Kaya apa, Kai?"
"Ya, gampang. Dangarkan haja mereka bapandir. Walih katahuan.
"Nah, kalau lima percakapan dasar ini mereka kada tahu arti pertanyaan dan jawabannya, berarti mereka hanyar di Samarinda," pandir Kai Fandi melanjutkan.Â
"Wah, apa haja tu, Kai?" Syahrul penasaran.Â
"Ah, ikam tu. Masa kada tahu!"
"Bujuran, Kai. Ulun kada tahu."
"Nih. Kupadahkan lah ikam," Kai Fandi memperbaiki posisi duduk, lalu memulai.Â
"Percakapan pertama, tu urang amun batakun, 'Siapa namanya, mas?' kawa dipastikan pendatang hanyar. Beda mun batakun 'Siapa ngaran pian?', nah, urang Samarinda dan sekitarnya tu. Begitu juga sebaliknya. Mun ditakun 'Siapa ngaran pian?", tu urang kamaukan, kada tahu singgai apa. Tapi amun kawa singgai 'Ngaran ulun Soni', nah berarti urang lawas di Samarinda."
"Masuk akal, Kai," Syahrul manggut-manggut, dalam hati bapandir, "Harat banar kai. Aku malah kada kepikiran kaya itu."
"Percakapan kedua, amun takun 'Kerja di mana, Mas?', imbah ketahuan urang hanyar. Babeda mun takun 'Pian bagawi di mana?', nah urang lawas di Kaltim tu. Juga, kalau kita batakun ka inya 'Pian bagawi di mana?', kita janaki. Mun inya kipuh, kamaukan manyinggai apa, nah, itu urang pendatang hanyar tuh. Mun kawa singgai 'Ulun bagawi di Perusahaan XYZ', nah, urang lawas di Samarinda tu.
