Sajak-sajake kok kaya uwis wasis
Nyekel pulpen njuk ngurek-urek kertas
Meneng sedilit njuk ngurek-ngurek maneh
Bar kuwi njuk munggah neng wuwungan
Bengak-bengok kaya uwong pekok
Sajak-sajake kok kaya uwis paling aji
Pulpen dadi keris njuk kerungu uwong nangis
Dikira digdaya jebulane gulung koming karo meringis
Neng ngisor uwit kates kaya kepleset filsuf Sorkates
Yen mung sajak-sajake marai kemropok kopoken
Aluwung wedangan neng angkringan wae
Ana wedang jahe ana ceker ana saren
-- saren kuwi haram aja diuntal, jarene --
Sapa sing gelem ngebosi
Sajake kaya uwis yak-yak o
*******
6-12-2017