Dak rungakna pocapanmu kaya bisa dipercaya
Nanging pranyata kowe sujana
Mung nemu pitakonan, kurangku apa
Pranyata kabeh hak mu wis dak wenehna
Nalika dak anti tekamu wingi
Kang ana mung sepi
Mangka janjimu sajak tumemen edi peni
Nanging jebule mung lamis kepara nyulayani
Mangertenana, yen wis tumiba ing wektu
Sapa kang cidra bakal nampa bebendhu
Nanging iku dudu kekarepanku
Kabeh mau saka ulah pokal gawemu
Aku mung saderma ngelingna
Perkara hak mu kang wis tinampa
Kudune dikanteni nambut karya
Banget nuwuhake rasa gela
Elingana kabeh lelaku ana pepesthi
Dikayangapa kabeh  manungsa bakale mati
Becik kowe enggala baliÂ
Liwat dalan-dalan kang murakabi
Murih antuk sihing Gusti
Jombang, 03/01/23
Pujo DC
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
