Aku ki nek gak kepekso, gak bakal nulis nang Kompasiana iki.Â
Terus terang, cah...cah, lambemu kok trocoh dlewer. Dlewer gak ana pedhote. Lambe kok  nyacat wong spenak wudele dhewe. Rumangsamu, menungsa iku gak duwe RASA, CIPTA lan KARSA?
Bayangno, nek sliramu nyacat bapakmu. Apa ya sliramu nduwe rasa hormat karo bapakmu? Bayangno, nek sliramu mrengkel-mentheng  kelek karo ibumu. Apa sliramu ora eling, nek sliramu wis tau digembol mrana - mrene karo ibumu?
Cah...cah.Â
Tali pusermu wis puput, ning pikiranmu rung sedawa tugelan pusermu. Mikira nganggo pikiran sing bening. Mlakua kinanthi rasa sing mantep. Aja mencang - mencong, kaya bangkong methongkrong nggolek rong! Semprul!
Coba sliramu kerja bener. Ora usah kesah-kesuh, nggersula, nyalahna kana, nyalahna kene. Rumangsamu sliramu sing paling apik?
Contonen Bapak Sing Ceblok nang pakunjaran. Nalika slirane ceblok nang pakunjaran. Apa piyayine kesah - kesuh?Â
Ora!Â
Malah piyambake makarya, nulis buku sing migunani kanggo liyan. La kok malah sliramu sing ijek gagah, pinter (kandane wong), isane kok malah nyalahno wong liya. Mikir cah...cah, jok ngumbar padudon sing ora perlu.
----------
#Gejayan
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
