"Koplak Kok Ora Kebak-kebak"

Dalijo (sebut ngono wae) mlayu kiprit-kiprit...

"Mas Marsudi...mas....mas...tulung...tulung....", Dalijo mlayu nyeraki aku. Dheweke mlayu karo nyekeli kathoke, sinambi mringis.

"Ngapa Jo?" Pitakonku.

"Aduh....aduh.... (maaf, red) manukku kejepit ritsleting (kancing tarik)....".

Jujur, sakjane aku arep ngguyu ngakak krungu omonge Dalijo. Dalijo, si joko kasep umur 43 taun rung nikah, rung supit, ora tau ngganggo sempak (bhs Linggis Cidi)...ow..ow...,  'manukke' kejepit ritsleting. Dalijo joko kasep "kurang secanthing". Koplak ora kebak nalare.  Kadang "kebak" ning ngot-ngotan.

Cengkelak aku mbalik nyang ngomah. Clingukan  ing gudang. Nemu cathut.

"Mrenea Jo...."  Dalijo rindhik asu digitik, nyedhaki aku.

"Meneng wae ya".

Ritsleting kathok Dalijo ndak jepit nganggo cathut.  Terus ndak benggang mengkayang.....pling. Ritsleting iku semplak sak kal. Mbukak.

"Aduh...aduh...aduh ". Dalijo sambat. Pucuk manukke Dalijo netes  getih abang mbranang....

"Wis ra pa pa. Mengko ndak golekke yodium.  Sauntara tetesi tlutuh debok sik yo...." Kandaku.

"Iya Mas".

Dalijo ndak gandheng menyang omahku. Ing ngarep omah ndak lungguhke  kursi.  Manukke Dalijo ndak obati yodium, mampet ora mili getih maneh. Ealah...tobil - tobil, la kok kathoke Dalijo  ya mambu pesing ... sing. Jo....Jo... koplak kok ra kebak - kebak.

-----------------------
Orang sakit lebih membutuhkan dokter, daripada orang sehat.  Entahlah dengan orang sehat yang merasa sakit, apalagi merasa sakit pikiran ...koplak.