MboyakÂ
(dening abrett)
bukane aku ra nggagas Mas,
nanging aku wis kesel,
kowe ki suwe-suwe kaya dene virus corona
ra kethok, ning yen ngekep, makjleb,
marake megap-megap, greges-greges...
kok pikir iki pilem India pa?
sedhih njoged
seneng njoged
nganti nangis wae kuwi lho,isih kober-kobere njoged
mlayu rana
mlayu rene
oyak-oyakan kaya nututi layangan pedhot
wis ngono, sok-sok sih kudu delikan na mburine wit-witan
wis ah mas aku seleh
ora ateges aku mutung
ora ateges rasaku dadi anyep njejet
ora, ora babar blas
rasa iki isih panggah kemripik kaya rempeyek
gaweyane Yu Parti
isih sumimpen rapet ana pojokan ati anggandha mlathi
kepenakna lingmu nembang
ora arep takendhangi
ora arep taksenggaki
aku saiki mung kepengin tunggu brok
                                      Surakarta, 5Desember 2020
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
